Inuiattut ullorsiorneq atatillugu Kittat Inuiaat Show aaqqissuussinermut nuannersumut qaaqqusivoq, tassanilu kalaallit kulturikkut kingornussagut nunatta atisai ataatsimoornerlu aqqutigalugit nalliuttorsiutigissavagut.
Piffissaq
Nal. 09:00 – 10:00
Aaqqissuussineq
Kittat Inuiaat Show-mi kalaallisuunik unammisitsineq ingerlanneqassaaq, peqataasullu periarfissaqassapput kalaallisuut kusanartut catwalkimi takutissallugit.
Ullormi tassani aaliangiisussat toqqakkat najuutissapput, peqataasullu tamakkiisumik isikkui, kalaallisuut sananeqaataat pitsaassusiallu kiisalu saqqummiussinerat tunngavigalugit nalilersorneqassapput.
Akissarsiat
Unammisitsinermi ajugaasoq Nuuk Center-mut 5.000 kr.-inik nalilimmik pisissutissarsissaaq.
Nalunaarneq
Nalunaartoqarsinnaavoq juunip 21-ani nal. 08:00-miit Kittat-mi.
Aamma siumut emailikkut nalunaartoqarsinnaavoq: kittat@sermersooq.gl, imaluunniit ullormi tassani Nuup Saavani ornigulluni nalunaartoqarsinnaavoq.
Unammisitsineq pillugu
Kalaallisuunik unammisitsinerup siunertaraa kalaallit kulturikkut kingornussaat nunatta atisai aqqutigalugit nersussallugit ersarissassallugillu. Peqataasut periarfissaqassapput catwalk-imi ingerlaarlutik najuuttununut/peqataasunut aaliangiisussanullu (dommer) takutillugit.
Qilanaarpugut kalaallisuunik kusanartunik takunissatsinnut kiisalu ullorsioqatigiinnissatsinnut.