Kommuneqarfik Sermersooq suli atortunik ajutooqqanermit sunnerneqaqqavoq IT-ikkullu atortut sunnerneqarsimasut atorsinnaaleqqinnissaat aamma patajaatsumik ingerlanneqarnissaannik qulakkeerinninnissaq sulissutigineqarput.
Kommunimi sulisut, Qarasaasialerinermut Immikkoortortaq aamma avataaniit suleqatigisat piaarnerpaamik atuufiit pingaarnerit atorsinnaalerneqaqqinnissaannut siunnerfilimmik sulipput peqatigitillugulu isumannaatsumik qularnaatsumillu sulisoqarnissaanik qulakkeerinnillutik.
Ajutooqqaneq kommunip digitalikkut suleriuseqarneranut arlalinnut sunniuteqaraluartoq innuttaasunik, suliffeqarfinnik suleqatigisartakkanillu kiffartuussinerup pisariaqartup ingerlanneqaannarnissaa sapinngisamik sulissutigaarput. Suliassaqarfiit innuttaasut ulluinnaannut isumaqarnerpaat pingaartumik ukkatarineqarput.
Pisoq kommunip ikiorsiissutaanik sullissineranillu kinguaattoortitsisinnaasoq killeqartitsisinnaasorlu eqqumaffigaarput. Taamaattumik sulinerup ingerlanneqarnerani paasineqarnissaq naammangittartoqarnissaalu kissaatigaarput.
Pisoq pillugu annerusumik nutaarsiassaqaraangat kommunimit ingerlaavartumik paasissutissiisoqartassaaq.
Peqatigitillugu innuttaasut, suliffeqarfiit, aaqqissuussaanerit suleqatigisartakkallu paasinninnerannut tapersersuinerannullu pisumi immikkut illuinnartumik amerlasuunit takutinneqartumut qutsavigerusuppagut.