Ittoqqortoormiit aamma Paamiut illoqarfiisa ukiuni aggersuni ineriartortinnissaanut siunnerfileeqataasussat illoqarfimmut periusissiat nutaat Kommuneqarfik Sermersuumiit suliarineqaleruttorput.
Tamatumunnga atatillugu innuttaasunik najukkamilu sulisunik ilaatigut septembarimi borgmesterip Ittoqqortoormiunut, kommunalbestyrelsillu Paamiunut tikeraarnerannut atatillugu oqaloqateqarlualereerpugut. Oqaatigineqartut siunnersuutigineqartullu naleqarluarsimapput suleriaqqinnissamullu tunngavissiilluarlutik.
Maanna suli amerlanerusunik tusaqqinnissarput pisariaqartipparput. Ullumikkut Ittoqqortoormiini Paamiunilu inuunermi sammivisi isummasilu tusarnissaat kissaatigivarput – aamma illoqarfiit siunissami qanoq ineriartortinneqarsinnaaneranik kissaatisi isumassarsiasilu.
Taamaattumik innuttaasut Ittoqqortoormiuni Paamiunilu kaammattorpagut apersuinermi immersugassaq atorlugu misissuinermut peqataaqqullugit. Tassani apeqqutit sukumiisut akissuteqarfiginissaannut periarfissaqarpusi, kiisalu nammineq eqqarsaatissinnik aamma siunnersuutissinnik ilanngussisinnaallusi.
Ittoqqortoormiini innuttaasuugit linki tulliuttoq toorlugu apersuinermi immersugassamik immersuinermi peqataagit:
Paamiuni innuttaasuugit linki tulliuttoq toorlugu apersuinermi immersugassamik immersuinermi peqataagit:
Apersuinermi immersugassap pappiaqqami immersornissaa orniginartinnerugukku, Innuttaasunik Kiffartuussivimmut aaneqarlunilu tunniunneqarsinnaavoq.
Akissuteqarnissamut piffissaliussaq: 19/05/2026
Akissutitit pingaaruteqarput aamma illoqarfimmut periusissiassap tunngavilernissaanut qitiusussatut ilaassapput.