Kivitsisa, Ilinniartitaanermik aqutsisoqarfik Kommuneqarfik Sermersoorlu suleqatigiillutik atuartunut podcastiliornermik unammisitseqqammerput, taanna taaneqarpoq Atuartut Nipaat. Kalaallit Nunaanni akullerni atuartut tamarmik unamminermut peqataasinnaapput.
Podcastiliornermi qulequttat marluk unammissutaapput, tassaasut “Inuunera” aamma “Oqaluttuaq pitsaasoq” tassani podcastit 44-t nassiunneqarput.
Atuarfik Hans Lyngemi 4.a-mi atuartut unamminermi peqataapput tassanilu eqimattat marluk qulequttami “Inuunera”-mi pitsaanerpaat aappaattut pingajuattullu inissipput.
“Atuartuutikka top 3-nut ilaasut paasillugu soorunami nuannaajummerpunga. Aatsaavissuaq podcastiliorneq nutaarluinnartut misilikkatsigu angusarissaarnerat tulluusimaarnaqaaq. Podcastiliornermi nammineq ikiuisinnaanera killeqartileriasaartarakku takuara aamma atuartut qanoq namminersorlutit misileraallaqqitsinginerat.
Qujanarlu taamatut periarfissamik takkuttoqarmat, atuartut uangalumi pisinnaasatigut inerisaatigaarput”, ilinniartitsisoq taama oqarpoq.
Kommunitsinni atuartut podcastiliornermik unammeqataasut tulluusimaarutigeqaagut, pitsaanerpaanullu ilaasut pilluaqqungaarpagut.
