Sapaatip akunnerata kingullermi ingerlaaqatigiilluni ammaanersiornissaq kinguartinneqarnikuuvoq silarluppallaarnera peqqutigalugu. Innarluutillit innuttaasut illuanni Illorpumi ullumi tallimanngornermi oktobarip qulinganni ataatsimoortinneqarput. Taakku Illorput tungaanut ingerlaaqatigiipput.
Inuit innarluutillit sapaatip akunneqartinneqarnerannut atatillugu inuit innarluutillit arlallit diplominnatsinneqarpoq. Taakku anguniagassanik periusissiorsimapput, angusimaneranullu atatillugu diplomimik aammalu gavekortimik naasumillu tunineqarput.
Kommunalbestyrelsemi ilaasortaq aammalu Isumaginninnermut Inunnullu Innarluutilinnut Ataatsimiititami siulittaasup tullia Lone Rosengreen Pedersen diplominik agguaassinnginnermi oqalugiaqqaarpoq, taanna ilaatigut ima oqarpoq:
“Nuannaarpunga kommunalbestyrelse sinnerlugu maani peqataasinnaagama. Sapaatip akunneqartinneqartarnersi pingaaruteqarpoq aamma naqissusertuaannartariaqarpoq inuit innarluutillit inuiaqatigiinni inissaqarniarlutik sorsuuteqartussaanngimmata – ilissimi namminiussuseqareerpusi naleqaqisut ataatsimoornitsinni pingaarutilinnut ilaasut,” Lone Rosengreen Pedersen oqarpoq.
Diplominik agguaassinermi Lonep peqatigaa Mathias Knude Brusgaard, Inunnik Innarluutilinnik Sullissinermi fagchefi.
Ullup ingerlanerani Illorpumi ataatsimuualaartinneqarlutik imminnut aliikkusersoqatigiissapput.
Inuit innarluutillit tamaasa maanngaanniit ullorsiorluaqqullugit pilluaqquagut!
