Tusassip nalunaarutigaa mobiilit internetsilu tunumi sapaatiuppat apriilip 28-anni nal. 21:00-imiit ataasinngorpat apriilip 29-anni nal. 03:00-ip tungaanut attaveerutissasut. Taamaattumik Ittoqqortoormiini Tasiilamilu innuttaasut piffissami taaneqartumi qatserisartunut sianersinnaanavianngillat.
Illoqarfinni taaneqartuni ikuallattoqassagaluarpat kalerrisaarut qaninnerpaq toorneqassaaq. Taamaaliornikkut qatserisartut ingerlaannartumik kalerrinneqassapput.
Nunaqarfinni periussissaq illoqarfinnituulli ippoq. Tassa innuttaasut kalerrisaarut qaninneq tooriartussavaat.