Tusarnaartitsineq pissaaq apriilip 23-ani nalunaaqutaq 19.30 – 21.30 Katuami.
1963-imili ikinngutigiilerneq kusanartumik nalliussineqassaaq. Taamaaliussaagullu ileqquliussimasarput malillugu Ikinngutigiittut tusarnaartitsinermi, aamma Nuummi innuttaasunut ammasumi.
Taamaattumik Nordkraft Big Band-imi nipilersortartut kalaallit tusarnaartitsisartut erinarsortartullu Ida Kleist aamma Aviaja Lumholt qaaqqusimavaat, kiisalu Nordisk bigbanduniversimi kalaallit erinarsuutaannik nipilersuutaannillu qangaanerusunik nutaajunerusunillu nunani avannarlerni nipilersoriaatsit malillugit tusarnaartitsissapput.
Nipilersornermik ataatsimoorussinermi nunat kulturillu assigiinngitsut ataatsimuulersinneqassapput, qanga pisarsimasunik oqaluttuartut peqatigitillugulu ullumikkut pissutsit pillugit ersarissaaffiusut. Nunat avannarliit, Nuuk aamma Aalborg – Kalaallit Nunaat aamma Danmark, akornanni kulturikkut suleqatigiinneq.
2022-mi Nordkraft Big Band nipilersukkanik saqqummiussipput taaguuserlugu Avannaata Pissaanera (Nordens Kraft). Unnuk manna nipilersugassiaq tamakkerlugu tusarnaartitsissutigineqassaaq aammalu Nuummi Aalborgimut ulloqartitsinernut atatillugu nutaamik nipilersugassiuliorsimallutik.