Kommunimi kulturip nukittorsarnissaanut isumassarsiaqarpit, taava kulturilerinermut tapiissutinik qinnuteqarnissamut periarfissaqarputit. Aningaasaateqarfik Sermeq – Kulturi nutaaliornerummat.
Kommuneqarfik Sermersuumit kulturi tapersersorneqarpoq. Illit suliniutit tullinnguullugu tapiissuteqarfigissavarput? Aningaasaateqarfik Sermeq aammaarluni pissanganartunik qinnuteqarfigineqarnissaminut ammarpoq, suliarinissaalu qilanaaraagut.
Kina qinnuteqarsinnaava?
Kulturimik suliaqarfiusut, peqatigiiffiit imaluunniit inuit arlallit ataatsimoorlutik imaluunniit inuit ataasiakkaat taperneqarnissaminnik qinnuteqarsinnaapput.
Suliffeqarfiit pisortatigoortumik taperneqartareersut suliariniakkamik nalinginnaasumik ingerlatsinermut aningaasartuutiminnik qanoq sunniuteqarnissaat nassuiassavaat.
Qanoq qinnuteqassaanga qinnuteqarfissarlu kingulleq qaquguua?
Suulluunniit kulturimut eqqumiitsuliornermulluunniit tunngasut piginnaasat isumassarsiallu piviusunngortikkusukkukkit Sermeq@sermersooq.gl -imut qinnuteqaatit nassiussinnaavat imaluunniit Kommuneqarfik Sermersuumut allakkamik nassiussisinnaavutit Qinnuteqaatinni eqqaamassavat qinnuteqarnissamut immersugassaq immersoriigaq suliniutinnullu missingersuusiaq ilanngutissagakkit.
- Qinnuteqarnermi immersugassaq Ansøgningsskema
- Missingersuutinut takussutissaq skema Budgetskema
Qinnuteqarfissaq kingulleq ulloq 1. oktobari 2023. Qinnuteqaatit TAMAASA atuarluarnissai qilanaaraagut. Aningaasaateqarfik Sermeq piumasaqaatillu pillugit paasisaqarnerorusukkuit kulturimut aningaasaateqarfik kulturpuljen her pillugu uani paasisaqarnerusinnaavutit, tassanilu apeqqutit amerlanerit akissutisisinnaallugit.