Kommuneqarfik Sermersuumut 2023-mi pilersaarusiornermut periusissiassatut siunnersuut pillugu paasissutissiilluni ataatsimiititsinissamut Sanarfinermut Avatangiisinullu Ingerlatsivimmiit matumuuna aggersaasoqarpoq.
Ataatsimiinnermi Pilersaarusiornermut periusissamut siunnersuut 2023 – Sermersooq, najugaqarfigissallugu pitsaasoq ingerlatsivimmiit saqqummiunneqassaaq, kingornalu oqaloqatigiinnissamut apeqquteqarnissamullu periarfissaqassaaq.
Ataatsimiinneq Kommuneqarfik Sermersuumi Illoqarfimmik Inerisaanermut Immikkoortortamit aaqqissuunneqassaaq.
Pilersaarusiornermut periusissaq pillugu annertunerusumik paasissutissat.
Tusarniaanermut akissutit kommunip tusarniaavianut nassiunneqarnissaat innersuussutigineqarpoq.
Paasissutissiilluni ataatsimiititsineq pissaaq sisamanngornermi juulip ulluisa 6-ianni nal. 16.30-18-30 Katuami Ikinngutigiit inaanni.