Borgmesterimut pingaaruteqarsimavoq Tasiilami qatsersartut naapissallugit, taakkulu illoqarfik piteqqamik eqqorneqarmat misigisimasaat tusarusussimavai.
Borgmesteri Avaaraq Olsen atorfilitta peqatigalugit Tasiilamut angalapput, nammineq isitik atorlugit piterartoqarnerani ajoqusernerit kommunilu qanoq ikiuussinnaanersoq takusussimavai. Borgmesteri nassatani iliartoriarlugit ingerlatiinnangajak kommunip allaffianukarpoq, qatserisartut naapikkiartorlugit.
”Piterallarmat kitaaniit malinnaarrappugut. Takusinnaavarput sakkortoqisoq. Taamaakkaluartoq qatserisartut innuttaasunik ikiuinissaminnut piareersimapput. Naak aserortoqangaatsiaraluartoq inunnik ajoqusertoqanngilaq, tassanilu qatserisartut qujassuteqarfigisinnaavagut”, borgmester Avaaraq Olsen oqarpoq.
Avaaraq Olsenimut qatserisartut sulinerannut kisiisa qujaffiginngilai, kisianni aamma taakku ilaqutai qujassuteqarfigai, taakkumi angutitatik ilagisinnaasimanngilaat pisumi ilungersunartumi. Borgmesterip nuannaarutigaa, piteranerani pisimasut pillugit qatserisartut oqaluttuaat nammineq tusarnissaanut periarfissinneqarnani.
Oqaluttuartoqareermat Tasiilami upalungaarsimasut pisortaata tullia Hendrik Andreassen aamma upalungaarsimanermut pisortaq Jes Damgaard Andersen Tasiilami qatserisartut peqatigalugit oqalliseqatigiipput. Tassani ilaanni eqqartorneqarpoq upalungaarsimasut sulineranni suut iluatsilluarsimanersut aammalu tullissaani piterartoqarnissaanut suut eqqumaffigineqarnerussanersut eqqartorneqarlutik.
