Innuttaasut MitID-taarnissaminnut kommunimiit maanna ikiorneqarsinnaalerput. Nuummi Innuttaasunut Kiffartuussivimmi ikiorneqarneq pissaaq, kommunip illoqarfiisa sinnerini aaqqissuussaq tamanna kingusinnerusukkut siammarneqassaaq.
Nuummi immikkoortortaq MitID-mut tunngasunik sullissiveqalerpoq, taamaalilluni innuttaasut MitID-taarusuttut Innuttaasunut Kiffartuussivimmi ikiorneqarsinnaalerlutik. MitID pillugu ikiorneqartariaqalernermi kinaassutsimut uppernarsaat atuuttoq takutinneqassaaq, uku atorsinnaapput:
- Passi
- Biilernermut allagartaq
- Najukkamut uppernarsaat kiisalu kuisinnermut atermulluunniit uppernarsaat
Smartphoneqaraanni tassani MitID-appeq aaneqarsimasariaqarpoq.
Kommunimi illoqarfiit sinnerini kingusinnerusukkut ammaanneqassaaq, tassani pissutaalluni Digitaliseeriinermut Aqutsisoqarfiup piumasarimmagu, administratori sulisut RA-tut inissisimalertussallu inimeeqatiginnissaat. Kommunimi illoqarfinnut allanut angalanissaq pilersaarusiorneqaleruttorpoq.
Kodeviserit inniminnerneqarnikut kommunimit suli tiguneqanngillat, taamaattumillu suli tunniussisinnaanngillat, tamannalu qaqugu pisinnaassanersoq qulakkeerlugu suli oqaatigineqarsinnaanani.