Nuuk Centerimi Nuuk Nordisk kultur festival ukiut pingajussaani ammaanersiorneqarmat inunnik ornigarluarneqarpoq.
Kommuneqarfik Sermersuumi borgmesteri Charlotte Ludvigsen ammaanersiorneq oqalugiarnermini ammarpaa, oqalugiarnermini eqqumiitsuliortut nunatsinneersut nunallu avannarlerneersut illoqarfimminut tikilluaqquai.
”Aqqusinitsinni allagartat nivinngasut takugaanni allaqqapput ”Angerlamut tikilluarit” taakku eqqumiitsuliortunut maanga festivalimut peqataajartortunut tikilluaqqusisuupput, maani angerlarsimasutut misiginiassamata.” Borgmester Charlotte Ludvigsen oqarpoq.
Eqqumiitsuliortut 100-rujunik ikinnerunngitsut nuummi sumiiffinni assigiinngitsuni isiginnaartitsisassapput workshoppertitsillutillu.
Ammaanersiorneq takutitsinernik assigiingitsunik imaqarpoq, meeqqat qitinnermik takutitsisut, inuusuttut uaajeertut, qilaatersornermik takutitsisut, tusarnaartitsisullu.
Nuuk Centeri inunnik ulikkaavippoq, majuartarfiit allaat inoqarlutik, takkuttulli isiginnaartitsinernut tusarnaartitsinernullu tiguartilluarsimasut takuneqarsinnaavoq.
Una sapaatip akunnerata ingerlaneranni pisussat assigiinngitsut facebookkimi nittartakkatsinni takusinnaavatit.