Ukiut tamaasa Kommuneqarfik Sermersooq Innarluutilinnut sapaatip akunneqartitsisarpoq, tassungalu atatillugu innuttaasunut ammaanersiornissamut, sapaatillu akunnerata ingerlaneranni pisussanut assigiinngitsunut qaaqqusivoq.
Ataasinngorneq
Ataasinngornermi oktoberip 7-iani nal.10:00 ammaanersiorneq Amisut eqqaanni (Nota benep saavani) allartsinneqassaaq, Immikkoortortami pisortaq Susanne Kærulff Ettrup oqalugiassaaq, kingornalu piumasut Kammagiinnut aggersinnaapput, tassani pølsinik, kaaginillu sallaasiisoqassalluni.
Facebookimi aaqqissuusaq takuuk
Marlunngorneq
Marlunngornermi oktoberip 08-ani Kommuneqarfik Sermersuumi Inunnik innarluutilinnik sullissisut pisuttuaqatigineqarsinnaapput.
Peqataaffissat assigiinngitsut sisamat toqqarneqarsinnaapput, pisuttuaqatigiinnermi anguniarneqarpoq silaannarissaqatigiinneq peqatigiinnerlu. Taquassat imeruersaatillu nammineq isumagineqassapput.
Sumiiffinni naapiffissani nal.11:00 naapinneq aallartissaaq, naapiffissani sulisumik Kalaallit erfalasuanik nassartumik aqqutissiuisussamik takussaasoqarumaarpoq.
Naapiffik 1: Brugseni Nataliep eqqaani naapinneq sissamullu pisuttuaqatigiinneq.
Naapiffik 2: Bussit unittarfiat nr.9-imi naapinneq Qernertunnguanullu pisuttuaqatigiiinneq.
Naapiffik 3: Bussit unittarfiat nr 41-rup eqqaani naapinneq, qallusuup tasiatalu tungaanut pisuttuarneq.
Naapiffik 4: Amisut eqqaani naapinneq (nota benep eqqaani) saqqarliillu sissaanut pisuttuaqatigiinneq.
Kammalaatit, ilaquttatit imaluunniit tapersersortit ilagisinnaavat. Qilanaarpugut pisuttuaqatigiinnissamut.
Facebookimi aaqqissuusaq takuuk
Pingasunngorneq
Naluttarfik Malik akeqanngitsumik nalunnguarnissamut qaaqqusivoq pingasunngornermi oktoberip 9-iani nal.12-15:00 nalunnguaqataasut naatitanik imermillu kioskimut aallertarsinnaapput.
Facebookimi aaqqissuusaq takuuk
Sisamanngorneq
Sisamanngorneq oktoberip qulinganni timikkut tarnikkullu innarluutilinnut assigiinngitsunik sammisassanik aalalluarnermillu imaqassaaq.
Aaqqissuusineq Inussivimmi ingerlanneqassaaq nal.09-12:00.
Takkutunut tamanut makitassamik tunioraasoqassaaq, eqqugassartalimmik makitsineq naammassinermi ingerlanneqassaaq, timersuutinilu assamik arsaneq, isikkamik arsaneq aammalu stafettimik kiisalu issiavik kaassuartakkanik atorlugit qitinnermi peqataasunut diplominik agguaasoqarumaarluni.