Inuusuttut kommunalbestyrelsianni ilaasortat ullumi eqqartuingaatsiarput, aqagu tallimanngornermi kommunalbestyrelsemut saqqummiussassaminnik.
Ullaap tungaani inuusuttut eqimattakkuutaarlutik eqqartuipput, eqqartukkallu akornanni sammisassanik pingasunik politikerinut saqqummiussassaminnik eqqartuillutik.
Eqimattani sulinerminni uku ilaatigut qaqinneqarput:
- Ilinniartitaanerup ineriartortinneqarnissaa, aamma IT tungaatigut
- Akisussaassuseqarneruneq, angajoqqaaniit atuartuniillu – atuarneq pillugu
- Skaaviit parnaartartut, pigisat paarineqarniassammata
- Tasiilami naluttarfik
- Kuummiuni Atuarfik nutaaq, maannakkut atuarfiusoq oqoqarmat nutartertariaqarpoq
Aqagu tallimanngornermi inuusuttut naggammik ataatsimiissapput, ualikkullu kissaatitik innersuussutitillu kommunalbestyrelsemut saqqummiutissavaat.