Pisortat ataatsimut qarasaasiaanni Grunddatami kukkusoqarnera pissutigalugu pisortanit ikiorsiissutit Kommuneqarfik Sermersuumit tunniunneqanngitsoorput.
Kukkuneq aaqqiiviginiarlugu Pisortat ataatsimut qarasaasiaqarfianni ERP-p allatseqarfiani Kommuneqarfik Sermersuumilu maanna ulapputtoqarpoq.
”Pisarneq malillugu tunniunneqartussat ippassaq piareersarneqarput, kisianni systemimi ajutoorsimaneq pissutigalugu tunniunneqartussat ullaaq manna ikineqanngitsoorsimapput. Aningaasat piaarnerpaamik tunniunneqarnissaat sulissutigaarput kingusinnerpaamillu aqagu tunniunneqassapput, Isumaginninnermut Suliffeqarnermullu Ingerlatsivimmi pisortaq Isak Nielsen Kleist oqarpoq.
Tamatuma saniatigut kinguaattoornermit kingunerisinnaasat pinaveersaartinniarlugit ingerlatsivik suliniuteqarpoq.
”Pisoq pisartagalinnut tamanut ajornartorsiortitsisinnaasoq nalunngilarput, tamannalu assut ajuusaarutigaarput. Pisoq pillugu inissiaatileqatigiiffiit attavigaagut, kinguaattoorutaasinnaasullu pillugit naammagittarnissaannik qinnuigalugit. Tassunga ilutigalugu pisup kingunerisaanik innuttaasut arlaatigut eqqugaasimasut sullissisuminnut saaffiginneqquagut”, oqarpoq Isak Nielsen Kleist.