Unnugu nal. 19.00 Illoqarfiit pingaarnersaanni Najukkami Ataatsimiititaliamut qinigassanngortittut 61-it assigiinngitsut qinerneqarsinnaapput.
Nuup illoqarfittut ilusilersornissaanut suleqataasussat marluk unnugu qinernissaannut periarfissaqalerputit. Marlunnik qinersisinnaavutit, taakkulu qinigassanngortittunut assigiinngitsunut marlunnut atorsinnaavatit.
”Unnugu qinigassanngortittut taama amerlatigineri tupinnaannarporluunniit. Illoqarfiup pingaarnersaani Najukkami Ataatsimiititaliamut siullermut qinersilluartoqarnissaanut qilanaarpugut. Nuummi innuttaasut tamaasa unnugu qinersiartornissaannut kaammattorpavut,” taama oqarpoq Jill S. Hellesen, Kommuneqarfik Sermersuumi Najukkami Ataatsimiititalianut ataqatigiissaarisoq.
Qinersinissaq Katuami nal. 19.00 aallartinneqassaaq. Matumani qinigassanngortillutik sassartut imminnut ilisaritillutillu qineqqusaarutitik saqqummiutissavaat. Najukkami Ataatsimiititaliamut qinerneqartussat quliussapput.
Kikkulluunniit Nuummi najugaqartut 16-ileereersimasullu qinersisinnaapput.
Qinersineq nal. 20.30 matuneqassaaq.
Unnugu qinersinnaasatit 61-it akornanni sermersooq.gl-imi takusinnaavatit.
Nuummi najukkami qinersineq ima ingerlanneqassaaq
Nuummi najukkami ataatsimiititaliaq Nuummi suliniutinut ukiumut 4 millioner koruunit missiliorlugit atugassaqartinneqarput. Najukkami ataatsimiititaliaq tusarniaaffigineqartartussaavoq suliani Nuummut tunngasuni tamani, aamma Kommuneqarfik Sermersuumi kommunalbestyrelsimut siunnersuuteqarnissaminut periarfissaqarpoq.