Kommuneqarfik Sermersuumi Sanarfinermut Avatangiisinullu Ataatsimiititami siulittaasunngortoq tassaavoq Justus Hansen (D). Ataatsimiititap marlunngormat ataatsimiinnerani paasinarsivoq, siulittaasuusoq Malene Lynge sulinngiffeqarnissamik qinnuteqarsimasoq.
Justus Hansen 50-inik ukioqarpoq, Tasiilameersuullunilu, 2009-miilli kommunalbestyrelsimi ilaasortanngorpoq. Kommuneqarfik Sermersuumi borgmesterip tulliatut siullertut siornatigut inissisimanikuuvoq.
Charlotte Píke (IA) ataatsimiititami ilaasortaaffissamut inuttaqanngitsumut toqqagaavoq.