Kommuneqarfik Sermersuup tamat oqartussaaqataaneranut tunngasut qanimut malinnaaviginissaanut assigiinngitsunik periarfissippaatit.
Kommunip TV-app-ia nalunngiliuk? Kommuneqarfik Sermersuumi qinikkat Nuummi kommunalbestyrelsimut ataatsimiinnerat app-ikkut malinnaavigisinnaavatit. Tamatuma saniatigut oqaluuserisassani immikkoortoq ataatsimiinnerni siuliini qanoq oqaluuserineqarsimasoq takorusukkukku app-ikkut nassaarisinnaavat.
Facebook
Tamatuma saniatigut Kommuneqarfik Sermersuup Facebook-imi quppernerani ataatsimiinnerit toqqaannartumik aallakaatinneqarneri malinnaavigisinnaavatit. Taamatuttaarlu toqqaannartumik aallakaatinneqarneri Kommune TV-p nittartagaatigut malinnaavigisinnaavatit, tassanilu ataatsimiittarfimmi oqaluttut imaluunniit kalaallisut qallunaatulluunniit nutsernerisa nipaat tusarnaarsinnaavatit. Nittartakkami tassani aamma kommunalbestyrelsip siornatigut ataatsimiinneri takuneqarsinnaapput.
Nittartagaq
Kommune TV’-p nittartagaa
App
Kommune TV-app App Store-mi imaluunniit Google Play-imi nassaarisinnaavatit.
Kommunalbestyrelse tulliani ataatsimiissaaq ulloq 28. aggusti.