Innuttaasunut

Tasiilami immikkortumi pisortaq nutaaq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuup Hjørdis Viberg Tasiilami kommunimi sulsunut immikkoortumi pisortatut atorfinitsippaa.

Tasiilami nunaqarfiinilu kommunimi sulisut 500-t sinneqartut qanimut attaviisinnaasaminnik pisortartaarput.

Pisortnngortorlu tassaavoq Hjørdes Viberg, 53, ukiuni kingullerni arfinilinni najugaqarfigisamini Tasiilami Filatiliami tunisassiornermut pisortaasimasoq.

Aqutsisutut allaffissornermilu suinermik ilinniagaqarpoq, allakkeriveqarnerullu iluani piffissami sivisuumi aqutsisutut sulisimalluni.

Hjørdis Viberg uini erninilu marluk ilagalugit Tasiilami najugaqarpoq. Sunngiffimmini illoqarfimmi peqatigiiffinni arlalinni suleqataalluarpoq. Tasiilami Red Barnetimi aamma Kalallit Røde Korsianni siulersuisuni ilaasortaavoq aamma butiksrådetimi atuarfiullu siulersuisuini siulittaasuulluni.

”Tasiilaq ukiuni arfinilinni kingullerni najugaraara. Tamaammat unammilleruminaatsunut ilisimasaqarluarpunga aannali illoqarfimmi inuiaqatigiiusugut nukittuffinnik ulikkarlugut, illoqarfimmi innuttaasunut kommunimilu sulisunut pitsanngorsaanermik suliaqarlunga aallartinnissannut qilanaartorujussuuvunga”, Hjørdis Viberg oqarpoq.

”Hjørdis akisussaaffimmi annertuumik tigusinissaminut tassalu sulisunut 500-t sinnerlugit anerlassusilinnut aqutsinissaminut pisariaqartunik misilittagaqarluarpoq. Piumassuseqarluarnermik sunniisinnaassuseqarluartarpoq, Tasiilarlu annertuumik uummateqarfigalugu. Taamaammat illoqarfimmi ineriartortitsinissamik pilersaarummi siuuttuunissaanut tulluartuunera qularutiginngilluinnarpara”, Kommuneqarfik Sermersuumi kommunaldirektøri Lars Møller-Sørensen oqarpoq.

Tasiilami ineriartortitsinissamik pilersaarut illoqarfimmi pissutsinik pitsanngorsaaniarluni innuttaasut suliffeqarfiillu qanimut suleqatigalugit januaarimi aallartinneqarpoq. Innuttaasut 400-t katillugu 989-inik siunnersuuteqarlutik tunniussaqarput. Soqutigisaqaqatigiinnit tamanit innersuussaq ersarissoq, ima paasillugu:  inuussutissarsiortut, kattuffiit, sulisut innutasullu nalinginnaasut oqariartuutigaat, Tasiilami kommunimi ingerlatsinermi tamakkiisumik aqutsinermik akisussaafeqartussamik sumiiffimmi atorfinitsitsisoqartariaqartoq.

Atorfinitsitsinissamut ataatsimiititaq tamarmiusoq atorfinitsitsinissamut oqaloqatiginninnerit arlallit ingerlatereerlugit Hjørdis Viberg toqqarpaa. Atorfinitsitsinissamut ataatsimiititaq Nuummi pisortat saniatigut, sulisunik pingasunik tasiilameersunik inuttaqarpoq.

”Suleqatigut Tasiilameersut inuiaqatigiinni pissutsinik ilisimasaqarnerupput illoqarfimmilu pisariaqartinneqartut ilisimallugit. Atorfinitsitsiniarnermi pingaartilluinnarpara ilisimasat taakku atorluarneqarnissaat”, Lars Møller-Sørensen oqarpoq.