Innuttaasunut

Kommuneqarfik Sermersuup qarasaasiakkut nalunaarsinnaaneq atulersippaa

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi nipilersornermik ilinniarfimmut, sunngiffimmi atuartitsinermut aamma atuanngiffinni sammisassaqartitsinermut nalunaartarneq ajornannginnerulissaaq.

Siunissami Nipilersornermik Ilinniarfimmut guitarimik, tumerparpaarnermut, trompetimut allarpassuarnullu ilinniarnissamut nalunaarniarlutit Innuttaasunut Sullissivimmukartariaarussaatit imaluunniit mailerlutilluunniit sianertariaarutissaatit.

Kommuneqarfik Sermersuup qarasaasiakkut nalunaarsinnaaneq atulersippaa, tassani ajornanngitsunnguamik nipilersuummik atuinissamut ilinniarnissamut, sunngiffimmi atuartitsinermut imaluunniit atuanngiffimmi sammisassaqartitsinermut qarasaasiakkut oqarasuaatikkulluunniit ajornanngitsunnguamik peqataanissamut nalunaaruteqarsinnaavutit.

Kommuneqarfik Sermersuumi Nipilersornermik Ilinniarfiup siullersaalluni atortorissaarut nutaaq atorlugu nipilersornermik ilinniartitsinermut peqataanissamut nalunaarsinnaaneq neqeroorutigaa. Tassa imaappoq, meeqqat inuusuttullu 21-t tikillugit ukiullit tamarmik (angajoqqaaviluunniit) trompeternissamut, klarineternissamut, elektroniskimik nipilersornissamut allarpassuarnullu peqataaniarlutik nalunaarsinnaassapput. Ataasiakkaanittaaq inersimasunut neqerooruteqarpoq – ilaatigut Nuup illoqarfiata nipilersortartuinut.

Kommuneqarfik Sermersuumi Nipilersornermik Ilinniarfimmit meeqqat inuusuttullu 21-t tikillugit ukiulinnut akeqanngitsumik atuartitsineq neqeroorutigaat.

Siunissaq eqqarsaatigalugu Kommuneqarfik Sermersuumi Peqqinnissamut Susassaqartitsinermullu Immikkoortortamit nalunaaruteqarnermut atortorissaarummi ilinnut neqeroorutaasinnaasut katersussavai. Tassaniipput kommunip, faginut, ukioqatigiinnut illoqarfinnullu agguataarlugit neqeroorutai.

Ugguuna qarasaasiakkut peqataanissamut nalunaarsuiffimmukt ingerlaqqigit

Maanna peqataanissamut nalunaarsuiffik ammavoq.

Sermersuumi Nipilersornermik ilinniarfik
Hans Egedesvej 7, 3900 Nuuk
Oqarasuaat: 36 62 90
E-mail: musikskolen@sermersooq.gl
facebook.com/sermersooqmusikskole

PDF