Innuttaasunut

Maskotiorusuttuannarnikuuit?

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Nuuk: Tamanna Katuami Meeqqat Ulluanni 1. juni periarfissarilerpat.

Kommuneqarfik Sermersooq aamma balloninik agguaasussanik, kiinnanik qalipaasussanik, naatitanik qalipaasussanik ullullu ingerlanerani pisunik nakkutiginnittussanik amingaateqarpoq.

Meeqqat Ulluat pissaaq Katuami, tallimanngorneq 1. Juni nalunaaqutaq 9-18. Tassani meeqqat pississaarfimmi pinnguarsinnaapput, kiinnamikkut qalipatsillutik, peqqinnartunik tamulullutik, nipilersortunik tusarnaarlutik, maskotinik naapitsillutik, soorlu Minions, Mickey Mouse allarpassuillu.

”Meeqqat Ulluat ukiumoortumik takkuttartuuvoq nuannersoq, tassani meeqqat ulloq naallugu qitiutinneqartaramik, sammisassanik aliikkusersuinernillu nuannisartinneqartarlutik. Piumassutsiminnik ikiuuttut, ullup iluffatsittumik ingerlanissaanut meeqqallu nuannersumik ulloqartinneqarnissaannut qitiulluinnarput. Piumassutsimik ikiuuttoqanngippat, Meeqqat Ulluat malunnartissinnaanavianngilarput,” Kommuneqarfik Sermersuumi Peqqinnermut Sunngiffimmullu Immikkoortortameersoq Tupaarnaq Ingemann Mathiassen oqarpoq.

Piumassutsiminnik ikuuttut tamarmik ullup ingerlanerani nerisassaqartinneqassapput.

Piumassutsimik ikiuunnissamut nalunaarit