Kunngikkormiutut Ataqqinassusilik Kunngissaq Frederik 26. maaji 50-inik ukioqalerluni inuuissiussaaq. Taamaattumik Kommuneqarfik Sermersooq ilinnut Nuummiittunullu tamanut aggersaavoq piinsip aappaani – ataasinngorneq ulloq 21. maaji – nalunaaqutaq 14-16. Isorartussusaa 3,5 kilometeriuvoq taamaattumik meeqqanut inersimasunullu naleqquppoq.
Kommuneqarfiup Allaffiata saavani ilaqutariinnut tamanut nipilersuutinik appisimaartoqarlunilu aliikkusersuisoqassaaq, illit nammineq aalajangissavat pisunnissaq imaluunniit arpannissaq ingerlatissanerlugu, aggerlutilluunniit nuannisaqataanissat Kunngissap honnorujut affaanik ukioqalernerani.
Peqataasut tamarmik akeqanngitsumik tujuuluarannassapput. Piffissaalluartillugu takkutissaatit, tamarmik t-shirtinnanniassammata arpanneq aallartinnginnarani.
Royal Run aallartissaaq naammassillunilu biilinik inissiisarfimmi kommuneqarfiup allaffiata saavani Nuummi, Kuussuaq 2.
Pisussat
Nal. 14.00: Borgmesteri Asii Chemnitz Narup oqalugiassaaq arpannerlu aallartissallugu
Nal. 14.10: 3,5 kilometeri ilaqutariinnut arpatsitsineq aallartissaaq
Nal. 15.00: Nipilersorneq alikkusersuinerlu (ilaatigut Hinnarik Nuummilu Nipilersornermik Ilinniarfik aliikkusersuisoralugit)
Nal. 16.00 Ullumikkut qujanaq
Aaqqissuussisoqarnerani kaagi, naatitat, kaffi, tii imerlu pisinnaavatit.
Meeqqat Kunngip- prinsessillu niaqorutaanik sanasinnaapput, kikkullu tamarmik Kunngissaq Frederiup ullorsiornerani pilluaqqussummik allassinnaallutik.