Nuuk: Ulloq piffissaliunneqartoq tassaavoq: 31. oktober 2017.
Kommuneqarfik Sermersooq-miit matumuuna nalunaarutigineqassaq umiatsianik inissiisarfik Qasigiannguit kingusinnerpaamik 31. oktober 2017 imaarneqareersimassammat, soorlu tamanna sermersooq.gl, nittartakkatigut, nutaarsiassat naqitat, taavalu tusagassiuutit allat aqqutigalugit siusinnerusukkut nalunaarutigineqarnikuusoq.
Sumiiffimmi pineqartumi, tassalu Qasigiannguani angallatit, angallatit toqqavii atortuutillu allat ullup siuliini taaneqartup qaangiunnerata kingorna peerneqarsimanngitsut kommunimiit nuunneqassapput. Nuunneqarneranut ajoqusissagaluarpata, taamatullu nuussinermi aningaasartuutaasut piginnittuusup nammineq akisussaaffigissavai.
Sumiiffimmi pineqartumi umiatsiamik atortunilluunniit allanik peqaruit sulilu nunaminertamik atuisinnaanermik qinnuteqaasiorsimanngikkuit qinnuigissavatsigit piaarnerpaamik tamanna isumageqqullugu Sanarfinermut Avatangiisinullu Ingerlatsivimmut saaffiginninnikkut.
Arlaannik apeqqutissaqaruit saaffissaq:
Immikkoortortami aqutsisoq Vilhelm Lynge Hard, 36 76 42 imal. e-mail: vilh@sermersooq.gl
Teknikkikkut sulialik Andreas Mølgaard-Christiansen, 36 74 49 imal. e-mail: amch@sermersooq.gl