Container-inut inissiisarfik Qeqertani (Nuuk Imeq-rup eqqaa) imaarneqassaaq

Nuussinissamut killiliunneqartoq 30. September 2017.

Siornatigut nalunaarutigineqareersutut Nuuk Imeq-rup eqqaani Container-inut inissiisarfik ukioq manna imaarneqartussaavoq. Nunaminertaq Container-inut ilioraaviusussaq Qinnguttinni Isuliffik-mi maanna piareerneqarsimalerpoq, taamalu Kommuneqarfik Sermersooq erseqqissaateqassaaq sumiiffiup pineqartup, tassalu Qeqertat imaarneqarnissaa sukkanerpaamik pissammat, tassalu Container-imik piginnittuuguit piumaffigissavatsigit, kingusinnerpaamik 30. september 2017 containeriutit nooqqullugu.

Ulloq taanna qaangiuppat Container-it sinneruttut taakku Kommuneqarfik Sermersooq-miit nuunneqassapput tunniunneqarsinnaasallutillu aatsaat piginnittuusup nuussinermi allaffissornermilu aningaasartuutaasut akilereerpagit. Nuunneqarnerani ajoqquserneqarsinnaanera piginnittuusup nammineq akisussaaffigissavaa.

Taamaattumik Container-imik peqaruit nunaminertamillu atuinissamik akuersissummik pisimanngikkuit piaarnerpaamik qinnuigissavatsigit Kommuneqarfik Sermersooq, Sanarfinermut Avatangiisinullu Ingerlatsivik attavigalugu qinnuteqaasioqqullutit, taamalu Container-ip nuunneqarnissaa piaarnerpaamik sulissutigeqqullugu.

Sanarfinermut Avatangiisinullu ingerlatsivik attavigiuk:
Vilhelm Lynge Hard, tlf. 36 76 42, vilh@sermersooq.gl
Andreas Mølgaard-Christiansen, tlf. 36 74 49, amch@sermersooq.gl

PDF