Harald Bianco ·
Harald Bianco
Ulloq 10. apriili 2024 Tasiilami aqqusinniornerup inaarsarneqarnissaa pillugu allaffeqarfimmut apeqquteqaateqarputit.
Sanarfinermut Avatangiisinullu Ingerlatsiviup apeqqutit tiguaa, imaattoq:
“2024-mut missingersuutini, aningaasaliissutaareersut saniatigut 21 mio. kr.-nik immikkoortitsisoqassasoq, akuersissutaavoq. Suliassamilu suna amigaataanersoq paasineqareerpat aningaasat immikkoortinneqassasut, taamaalilluni suliaq 2024-mi naammassineqassammat. Suliami sumut killippisi?”
The administration's answer ·
The administration's answer
Asasarput Harald Bianco
Siullermik Tasiilami aqqusinniornerup naammassinissaa pillugu allaffeqarfimmut apeqquteqaateqarninnut qujanaq. Taakku pillugit imatut ilisimatitsisinnaavugut:
Ilumoorpoq, ukioq maannamut missingersuutini Tasiilami asfalterinissamut aningaasanik immikkoortitsisoqartoq. Aningaasaliissutigineqartunit Attaveqaasersuutinut Sanaartorfissagissaanermullu immikkoortinneqartut tassaapput 21,2 mio. kr.-it.
Sanarfinermut Avatangiisinullu Ingerlatsiviup ilaatigut Tasiilami immikkoortoqarfimmi aqutsisorput, asfalterinissaq pillugu aningaasaqarneq, pisariaqartitsineq pingaarnersiuinerillu pillugit oqaloqatigivaa. Naliliineq siulliusoq tassaavoq, tamakkiisumik asfalterinissamut pisariaqartitat 30 mio. kr.-it missaanniissasut, kisianni tamanna suli paasiniarneqarpoq. Taamaattumik aningaasaliissutigineqareersut saniatigut suli aningaasanik pisariaqartitsisoqarsinnaavoq, tamakkiisumik asfalterinissaq matussuserneqassappat. Aningaasaqarneq, pisariaqartitat pingaarnersiuinerillu inisseriarpata, suliassaq suliariumannittussarsiuunneqassaaq, ukiormanna naammassinninnissaq siunertaralugu.
Inussiarnersumik inuulluaqqusilluta
Søren Pedersen
Sanarfinermut Avatangiisinullu Ingerlatsivimmi pisortaq