Ken Madsen ·
Ken Madsen
Nuummi Utoqqaat illuata biilii ukiup affannguleraa ajorlutik uninngaannartut. Allaalluunniit pisariaqartitsisoqartillugu Nuummi utoqqaat illuaniit taxassarsioqqaarluni aatsaat aallertoqarsinnaasoq. Una pinngilara sukkulluunniit aallertoqartassasoq sumulluunniit. Unali pivara soorlu utoqqaqarsinnaasarpoq ilaatigut inissisimaffimmiit anisinnaasartut sulisut nalusaannik. Ilaalluunniit kamippaqaratik anisinnaasarput.
Utoqqaat illuani sulisut naluaanngooq sooq biilit aaqqissortinneqannginnersut.
Eqqarsarpunga paasiniagassaqqittoq ataatsimiisitaliamulluunniit susassaqartumut ingerlanneqartariaqartoq. Utoqqaat illuata biilii aaqqissortinneqassamaarnersut – imaluunniit qanoq iliortoqarniarnersoq ? Qularinngilara sulisut atorfissaqartittassagaat.
Utoqqaat illuanni inisimasut peqqinnissaqarfimmukartussaatillutik ambulanceninngooq aatittarput. uanga isumanni ambulancet pinartoqartillugu atugassaasut, biiliussinerit allallu minnerpaaffimmiittussaassallutik?
Aappaattuut Nuummi utoqqaat illuata telefonnormua oqinnerulaamik nassaareriaannaasussaasorivara? Soormita kommunep nittartagaani nassaareriaannaanngitsut paasissutissat toqqaannartumik “immikkoortortaqarfinnut?
The administration's answer ·
The administration's answer
Asasara Ken Madsen,
Utoqqaat Illuanni innarluutilinnut bussit pillugit allaffeqarfimmut apeqqutinnut qujanaq. Taakku pillugit imatut ilisimatitsisinnaavugut:
Utoqqaat Illuanni innarluutilinnut bussit 2023-milu ukiakkut ajorlutik uninngaannarput. Biilileriffimmiissimapput, naliliisoqarporlu bussit ingerlaqqilissappata annertuumik iluarsartuussisoqartariaqartoq.
2024-mut missingersuutinut atatillugu Kommunalbestyrelsimit utoqqarnut suliassaqarfimmut bussimik nutaamik pisinissamut aningaasanik immikkoortitsisoqarpoq. Neqeroortitsineq ingerlanneqarnikuuvoq, innarluutilinnullu bussimik nutaamik pisinissaq pillugu isumaqatigiissuteqartoqarpoq. Ukioq manna oktobarimi tunniunneqarnissaa naatsorsuutigineqarpoq.
Utoqqaat Illuat aamma utoqqarnit sullissiviit peqqissaavillu aaqqiissutinik pitsaanerpaanik nassaarniassapput, bussip nutaap utaqqineqarnerani.
Utoqqaat Illuata oqarasuaataa kommunip nittartagaani “Immikkoortortat” ataanni nanineqarsinnaavoq. Ingerlatsivimmit nassuerutigineqarpoq, naniuminaassinnaasoq aamma attaveqatigiinnermut immikkoortortaq peqatigalugu ersarinnerulersinniarneqartoq.
Inussiarnersumik inuulluaqqusilluta
Ejner Grønvold
Suliffeqarnermut Isumaginninnermullu Ingerlatsivimmi pisortaq