Kommuneqarfik Sermersooq illoqarfiit pingaarnersaat pillugu nutaamik periusissiaqalissaaq, periusissaliornissarlu pillugu Katuami innuttaasorpassuit takkuttut peqatigalugit aallarnerlugu saqqummiunneqarluni. Borgmesteri Avaaraq Olsenip “Nuuk 2035”-i aallarniutigaa, innuttaasullu siunissami illoqarfiit pingaarnersaannut tunngasumik siunnersuutitik isumassarsiatillu pillugit nivinngaavikkut avitseqatigiissutigaat, meeqqat Nuuk pillugu takorluukkatik titartarlugit qalipallugillu.
Borgmesteri Avaaraq Olsen takkuttunik tikilluaqqusilluni aaqqissuussinermik ammaavoq.
“Ullumikkut taamak amerlatigisut takkummata nuannaarpunga. Illoqarfiit pingaarnersaat pillugu periusissiaq nutaaq inuppassuarnut isumaqartorujussuujumaartoq maanna ilusilersorparput,” borgmesteri Avaaraq Olsen oqarpoq.
Borgmesterimut kommunalbestyrelsimullu innuttaasut, suliffeqarfiit peqatigiiffiillu illoqarfiit pingaarnersaat pillugu nutaamik periusissiamik suliaqarnermi peqataatinneqarnissaat pingaarsimavoq. Kommunip Katuami kickoff-event aaqqissuussiniarluni aalajangiineranut tamanna peqqutaavoq.
“Illoqarfiit pingaarnersaat pillugu periusissiaq nutaaq innuttaasunut tamanut tunngasuuvoq. Taamaattumik pingaarpoq periusissiarput tamakkiisumik isiginnittuussasoq illoqarfillu nalinginnaasumik ineriartornissaanut ukkassissalluni, tamanna naggataatigut innuttaasumut tunngasuuvoq,” borgmesteri oqarpoq.
Aaqqissuussaanermi innuttaasut siunissami illoqarfiit pingaarnersaannut tunngasumik siunnersuutitik isumassarsiatillu nivinngaavikkut avitseqatigiissutigaat, meeqqallu aamma Nuuk siunissami qanoq isikkoqarsinnaaneranut isumassarsiatik saqqummiussisinnaatinneqarsimallutik.
Peqataatitsineq apriilip, maajip juunillu ingerlanerani ingerlanneqarnissaa pilersaarutaavoq, ilaatigullu inuussutissarsiornermut peqatigiiffilerinermi susassaqartitsinermilu, isumaginninnermi pingaarnertut suliassaqarfimmi illoqarfiullu ineriartornerani periarfissat pitsaasut qanoq suli qulakkeerinniinnarsinnaanitsinnut tunngassuteqassalluni.
Borgmesterip Avaaraq Olsenip saqqummiinerata saniatigut Nuummiut namminneq oqaluttuassaminnik isiginnittaatsiminillu oqaluttuarput. Stina Skifte Minik Hansen-ilu ilisimaneqarluartut kommunip qaaqqusimavai. Kimmernaq Kjeldsen Frederik Elsnerilu aamma nipilersorput.
Naggasiinermi innuttaasut apeqqutinik akillutik unamminermi peqataasut akornanni makitsisoqarpoq.
Illoqarfiit pingaarnersaat pillugu periusissiamik suliaqarneq kommunip inoqarfiini anginerusuni illoqarfimmut periusissiornissamut misilittagaqalersitsissaaq: Tasiilaq, Paamiut aamma Ittoqqortoormiit
![](https://sermersooq.fra1.digitaloceanspaces.com/wp-content/uploads/2024/04/12133030/GR1A0783.jpg)
![](https://sermersooq.fra1.digitaloceanspaces.com/wp-content/uploads/2024/04/12133027/GR1A0789.jpg)
![](https://sermersooq.fra1.digitaloceanspaces.com/wp-content/uploads/2024/04/12133033/GR1A0850.jpg)
![](https://sermersooq.fra1.digitaloceanspaces.com/wp-content/uploads/2024/04/12133030/GR1A0674.jpg)
![](https://sermersooq.fra1.digitaloceanspaces.com/wp-content/uploads/2024/04/12133024/GR1A0835.jpg)
![](https://sermersooq.fra1.digitaloceanspaces.com/wp-content/uploads/2024/04/12133027/GR1A0822.jpg)
![](https://sermersooq.fra1.digitaloceanspaces.com/wp-content/uploads/2024/04/12133030/GR1A0854.jpg)
![](https://sermersooq.fra1.digitaloceanspaces.com/wp-content/uploads/2024/04/12133033/GR1A0724.jpg)
![](https://sermersooq.fra1.digitaloceanspaces.com/wp-content/uploads/2024/04/12133033/GR1A0825.jpg)
![](https://sermersooq.fra1.digitaloceanspaces.com/wp-content/uploads/2024/04/12133028/GR1A0683.jpg)
![](https://sermersooq.fra1.digitaloceanspaces.com/wp-content/uploads/2024/04/12133028/GR1A0832.jpg)
![](https://sermersooq.fra1.digitaloceanspaces.com/wp-content/uploads/2024/04/12133033/GR1A0700.jpg)
![](https://sermersooq.fra1.digitaloceanspaces.com/wp-content/uploads/2024/04/12133030/GR1A0847.jpg)
![](https://sermersooq.fra1.digitaloceanspaces.com/wp-content/uploads/2024/04/12133024/GR1A0787.jpg)
![](https://sermersooq.fra1.digitaloceanspaces.com/wp-content/uploads/2024/04/12133033/GR1A0749.jpg)
![](https://sermersooq.fra1.digitaloceanspaces.com/wp-content/uploads/2024/04/12133025/GR1A0675.jpg)
![](https://sermersooq.fra1.digitaloceanspaces.com/wp-content/uploads/2024/04/12133031/GR1A0705.jpg)
![](https://sermersooq.fra1.digitaloceanspaces.com/wp-content/uploads/2024/04/12133027/GR1A0689.jpg)