Dorthe-Marie Mogensen-Fontain ·
Dorthe-Marie Mogensen-Fontain
Paamiunut Inissiarsuit inoqanngitsut takujuminaaqisut piiarneqarnissaat suliaq sumut killippa? Qaqugu ingerlateqqinneqassappat? Sorliillu siulliunneqassappat? Pilersaarut qanoq isikkoqarpa? Kommunitta avataaniit ingerlanneqassappat paasiniarneqarnissaa kissaatigaara apeqqutit akineqarnissaannut.
The administration's answer ·
The administration's answer
Asasara Dorthe-Marie,
Makkuninnga apeqquteqarputit:
“Paamiunut Inissiarsuit inoqanngitsut takujuminaaqisut piiarneqarnissaat suliaq sumut killippa? Qaqugu ingerlateqqinneqassappat? Sorliillu siulliunneqassappat? Pilersaarut qanoq isikkoqarpa? Kommunitta avataaniit ingerlanneqassappat paasiniarneqarnissaa kissaatigaara apeqqutit akineqarnissaannut.”
Apeqqutigisannut akissuteqarniarnermi pineqartutut oqaatigineqartut tassaapput Paamiuni blokkit altanillit qaqortut.
Paamiuni blokkit altanillit qaqortut Kalaallit Nunaanni Namminersorlutik Oqartussanit pigineqartuusut ilisimatitsissutigissavara. Illut pigisat Kalaallit Nunaanni Namminersorlutik Oqartussanit qanoq pilersaaruteqarfigineqarnersut kommunimiut ilisimatitsissutigineqarnikuunngillat. Blokkit isaterneqarnissaannut pilersaarutit paasiniaaffigiumallugit Ineqarnermut Attaveqaqatigiinnermullu Naalakkersuisoqarfimmut saaffiginnissuteqarnikkut paasissutissanik pissarsiniarsinnaavutit.
Isaterinissamut akuersissut kingulleq kommunimit suliarineqartoq marsi 2022-meersuuvoq Blok Å B-744-mulllu tunngasuulluni.
Ilassutitut ilisimatitsissutigineqarsinnaavoq Iserit A/S blokkimik inissiamik ataatsimik peqarmat, B-148 (sisamanik 19 kvm. angissusilinnik angivallaanngitsunik inissiartalimmik), taannalu ukiualuit qaangiupput ikuallammat. Suliaq sillimmasiisarfimmi ingerlanneqarpoq. Sillimmasiisarfimmi naliliisartutut sulisumit ilisimatitsissutigineqartoq tassaavoq aningaasanngorlugu akiliummut tunngatillugu isumaqatiginninniarusullutik qaammatillu tulliani ataatsimiittoqassalluni tamanna pillugu.
Inussiarnersumik inuulluaqqusillunga,
Ole Jakobsen, kommunaldirektøri