Tasiilami aputaajaasarneq

Suna pillugu/sooq Tasiilami aqquserngit inunnit pigineqartut aoutaajarneqarneq ajorpat? Nuummi taamaaliortarput. Kommuneqarfik Sermersooq Tasiilami immikkoortuni 2-ni tamanna pillugu isumaqatigiissuteqarpoq. Tamanna immikkut aningaasartuutigeqqinngikkaluarlugu suliarineqarsinnaannginnerami

Asasara Justus Hansen,

Qujanaq Tasiilami aqqusinernik inunnit nammineq pigineqartunik aputaajaasarneq pillugu apeqquteqarninnut.
Sanaartorfissagissaaneq, pisortat kuuffeqarfinnut aqqusersuutaat aamma pisortat aqqusiniutaat pillugit Inatsisartut inatsisaat nr. 16, 17. november 2010-imeersoq § 6 imm. 3 pisortat aqqusiniutaat aqquteeqqallu ingerlanneqarnissaat aserfallatsaalineqanissallu, tamakkununnga ilanngullugit aputaajaaneq Kommunalbestyrelsip isumagitittussaavaa.
Pisortat aqqusiniutaannik aqquteeqqanillu sorlernik aputaajaaneq nassuiaateqartinneqarpoq, Ukiukkut aqqusinernik aputaajaasarneq pillugu malittarisassani 13. januar 1992-imeersumi. Imm 1.1 naapertorlugu pisortat aqqusiniutaat, aqquserngit anginerit, aqquteeqqat illoqannginnersallu tassaapput, kikkunnit tamanit angallaffiusinnaasut kommunimiillu aqunneqartut.
Kommunip pisussaaffigaa pisortat aqquserngini, aqquteeqqanilu aputaajaasitsinissaq, killissarititaasoq avaqqullugu illunik piginnittut namminneq aputaajaasarnissaat pisussaaffiunngippat.
Imm. 1.2 malillugu aqquserngit, tassaapput aqquserngit, aqquserngit anginerit, illoqannginnersat, aqquteeqqat, majuartarfiit, kikkunnit tamanit nalinginnaasumik aqqusaarneqarsinnaasut, aammalu illu ataaseq arlallilluunniit immikkut pigineqartut ilaatinneqarput, soorlu meeqqeriviit tungaannut qaninnertut aqqutit, suliffeqarfinnut, illunut nammineq pigisanut, aqquteeqqat il.il. taakkua eqqaanni illoqannginnersanut. Meeqqeriviit, suliffeqarfiit imaluunniit illunik pineqartunik piginnittut pisussaapput aqqusinerni pineqartuni aputaajaanissaminnut.
Inatsisartut inatsisaanni aammalu Ukiukkut aqqusinernik aputaajaasarneq pillugu Malittarisassani qulaani taaneqartuni, immikkoortortamit nassuiaateqartinneqarpoq aqquserngit sorliit kommunimit aputaajartinneqartassanersut. Nuummi, Paamiuni Tasiilamilu nunap assinga taakkununnga tunngasoq suliarineqarpoq.
Nuummi aqquserngit inunnit nammineq pigineqartut Kommunimit aputaajarneqartarnerat pillugu ingerlatsivik ilisimasaqanngilaq.

Inussiarnersumik inuulluaqqusilluta

Hans Ulrik Skifte
Sanarfinermut Avatangiisinullu Ingerlatsivimmi pisortaq

Ilanngussaq 1 – Paamiuni aputaajaasarnermi asseq

Ilanngussaq 2 – Nuummi aputaajaasernermi asseq

Ilanngussaq 3 – Tasiilami aputaajaasarnermi asseq (kuup kujataata tungaani)

Ilanngussaq 4 – Tasiilami aputaajaasarnermi asseq (Kitaata tungaani)

Ilanngussaq 5 – Tasiilami aputaajaasarnermi asseq (Kangiata tungaani)