Peter Davidsen ·
Peter Davidsen
Naluneqanngitsutut utoqqaat illuini Kommuneqarfik Sermersuumi utaqqisoqarpoq ”inissaaleqisoqarpoq” tamannalu qanorpiaq inissisimanersoq paaserusunnarpoq.
Apeqqut.
- Nuummi, Paamiuni, Tasiilami, Ittoqqortoormiunilu utoqqaat illuini inissat qanoq amerlatigippat aamma utoqqaat utaqqisut qanoq amerlatigippat?
- Ukiuni 5-10 tulliuttuni Nuummi, Paamiuni, Tasiilami, Ittoqqortoormiuni utoqqaat amerliartornerat aallaavigalugu qassit missaanni utoqqaat illuinut nuuttussatut naatsorsuutigineqarpat?
- Nuummi, Paamiuni, Tasiilami, Ittoqqortoormiunilu utoqqarnut pisinnaanerusunut inissiat qassiuppat?
Apeqqutip siunertaa:
Nalunngilarput nunatsinni utoqqaat amerliartornerat sulisinnaasunut sanilliullugu unammillernartuussasoq.
Taamaammat paaserusuppara utoqqaat illuini aamma utoqqarnut pisinnaanerusunut inissaatigut ullutsinnut siunissamullu naapertuunnersut.
The administration's answer ·
The administration's answer
Asasara Peter Davidsen
- Nuummi, Paamiuni, Tasiilami, Ittoqqortoormiunilu utoqqaat illuini inissat qanoq amerlatigippat aamma utoqqaat utaqqisut qanoq amerlatigippat?
Utoqqarnik paaqqutarinnittarfinni, utoqqaat najugaqatigiiffiini kiisalu inunnut innarluutilinnut utoqqarnullu inissiani naleqqussakkani inissaqassuseq utaqqisullu allattorsimaffiat ukiup affakkaartumik Suliffeqarnermut Isumaginninnermullu Ataatsimiititamut Suliffeqarnermut Isumaginninnermullu Ingerlatsivimmiit ilisimatitsissutigineqartarpoq.
Utoqqarnik paaqqutarinnittarfinni aamma utoqqaat najugaqatigiiffiini inissat
Utoqqarnik paaqqutarinnittarfinni utoqqaat najugaqatigiiffiini 2023-mi apriilimeersut inissat amerlassusaat illoqarfinnut nunaqarfinnullu agguataagaapput:
| Illoqarfik/najugaqarfissanik neqeroorutit | Utoqqaat illuat | Oqilisaassineq | Utoqqaat Najugaqatigiiffiat |
| Nuuk | 65 | 14 | – |
| Paamiut | 22 | 2 | – |
| Tasiilaq | 16 | 0 | – |
| Qeqertarsuatsiaat | – | 1 | 8 |
| Ittoqqortoormiit | – | 0 | 7 |
Utaqqisut allattorsimaffii
Utaqqisuni allattorsimasuupput innuttaasut utoqqarnik paaqqutarinnittarfinnut, oqilisaassinermut imaluunniit utoqqaat najugaqatigiiffiinut innersuunneqarsimasut:
| Illoqarfik/najugaqarfissanik neqeroorutit | Utoqqaat illuat | Oqilisaassineq | Utoqqaat Najugaqatigiiffiat |
| Nuuk | 20 | 1 | – |
| Paamiut | 0 | 0 | – |
| Tasiilaq | 7 | – | – |
| Qeqertarsuatsiaat | – | – | 0 |
| Ittoqqortoormiit | – | – | 1 |
Utaqqisut allattorsimaffiat maanna atuuttoq (18/04-23)
2. Ukiuni 5-10 tulliuttuni Nuummi, Paamiuni, Tasiilami, Ittoqqortoormiuni utoqqaat amerliartornerat aallaavigalugu qassit missaanni utoqqaat illuinut nuuttussatut naatsorsuutigineqarpat?
Siunissami qanoq pisariaqartitsisoqarnissaanik naatsorsuuteqartoqarsinnaanersoq siulittorlugu Suliffeqarnermut Isumaginninnermullu Ingerlatsivimmiit naammattunik kisitsisaatigineqanngillat. Innuttaasut peqqissusiannik ilisimatuussutsikkut annertuumik misissueqqissaarinissaq pisariaqassaaq. Tamatuma saniatigut suliat pitsaassusissaata allaaserineranit politikkikkut aalajangiunneqartuusut naapertorlugit innersuussisarnermut piumasaqaatinik pisariaqartitsisoqarnissaa apeqqutaavoq.
Taamaattoq Suliffeqarnermut Isumaginninnermullu Ingerlatsivimmiit naatsorsuutigineqarpoq utoqqarnik paaqqutarinnittarfinni inissat Nuummi pisariaqartinneqarnerpaajussasut, tassami kommunimi utoqqaat 76 %-ii tamaani najugaqarmata. Ukiut qulit ingerlanerini Nuummi utoqqaat 63 %-imik amerleriarsimapput Ittoqqortoormiinilu 26 %-imik ikileriarsimallutik.
3. Nuummi, Paamiuni, Tasiilami, Ittoqqortoormiunilu utoqqarnut pisinnaanerusunut inissiat qassiuppat?
Inissiaatileqatigiiffiit Suliffeqarnermut Isumaginninnermullu Ingerlatsivimmut neqerooruteqartarnerat naapertorlugu utoqqaat inuillu innarluutilli angerlarsimaffimminni najugaqaannarsinnaasut inissiani aqquserngup portoqataani najugaqartarnissaannut neqerooruteqartarput. Nuummi inissiat utoqqarnut inunnullu innarluutilinnut naleqqussakkat 133-iupput taakkunanngalu 65-it INI-meersuupput 68-illu Iserit A/S-imeerlutik. Inissiaatileqatigiiffiit inissianut killiffiit ukiumiit ukiumut allanngortittarpaat, taamaattumik inissiat amerlassusaat nikerarput.
Inussiarnersumik inuulluaqqusillunga
Ejner Grønvold
Suliffeqarnermut Isumaginninnermullu Ingerlatsivimmi pisortaq