Kommuneqarfik Sermersuumi Aalisarnermik siunnersuisooqatigiit siunnersuummik oqaluuserineqartussamik saqqummiivigineqarsimavoq. Taannalu toqqammavigalugu matumuuna tamanna pillugu peqatigiiffiit susassaqartunut tusarniaaneq ingerlanneqassalluni.
Inatsit pineqartoq tassaavoq:
”Kommuneqafik Sermersuumi bundgarnersorneq pillugu malittarisassat: Aalisarneq pillugu inatsisartut inatsisaanni nr. 18-mi, 31. oktober 1996-meersumi 23 imm. 2, § 33, imm. 2 amma § 34 naapertorlugit amma Inatsisartut inatsisaata allannguutaa nr. 12, 3. december 2012-imeersoq tunngavigalugu Kommuneqarfik Sermersuumi bundgarnersorneq pillugu malittarisassat aalajangerneqarput.”
Tusarniaassummi kakkiussaq innersuussutigineqassaaq, tassani ileqqoreqqusaq pineqartoq ilannguneqarmat. (Taanna quppernerup ataani nanisinnaavat)
Ilanngullugu takuneqarsinnaavoq Avannaata kommuniani tassalu Upernaviup aammalu Uummannap eqqaani killeqarfinnik allannguisoqarnerani suleriaaseq.
Tamanut oqallisissiaq
Taamaattumik soqutigisaqartut tamaasa qinnuigissavagut ulloq 03. marts 2023 17. marts 2023 nallertinnagu aalisarfiit qanitaminni bundgarnersorfioqqusaanngittunik siunnersuuteqaqqullugit.
Aammattaaq siunnersuutigineqarusuppoq uumatitsiviit pillugit inatsisiliortoqassasoq.
Tusarniaanermi akissuteqaatit uunga nassiuteqquneqarput: aalisarneq@sermersooq.gl
Pilersaarutaavoq atorfilittamit tikinneqarluni siunnersuutit nassiunneqartut nunap assiga atorlugu nalunaarsorneqassasut.
Ilanngussat uani aaneqarsinnaapput: