Atuagaq ”Halvfar” (Affarmik ataata), Per Bloch aamma Cato Thau-Jensen aningaasaateqarfik Sermeq-mit 13.000 koruuninik tapiissuteqarfigineqarpoq.
Atuakkami tiguartinnartumik oqaluttuarineqarpoq, niviarsiaqqap anaanami angutaatitaavanik siullerpaamik naapitsinera. Oqaluttuarineqarpoq sungiusimasanik maqaasineq, nutaanillu naapitsineq, immaqa allarluinnarnik piginnaasalinnik. Affarmik ataata ilaqutariippassuit ilisarissagunagaannik oqaasertaliivoq. Atuakkami meeqqat inersimasullu, angajoqqaat qimareernerisa kingorna nutaanillu ilaqutartaarnermi misigissutsit pingaaruteqartut pillugit eqqarsaatinik oqaasinnguisinnaanissaq pineqarput.
Atuakkap naqiterneqareersup saniatigut Affarmik ataata immiussanut marlunngorlugu saqqummereerpoq.
”Atuagaq immiussallu tigulluarneqarput. Inuit internetikkut attaveqartarfiisigut kusanartumik nersualaarneqarpoq saqqumilaarlunilu, ilaatigut meeqqanut atuagassiat pillugit bloggerinit”, atuakkiortua Per Bloch oqarpoq.
Aningaasaateqarfik Sermermit tapiissutinik 13.000 tunineqarpusi aningaasat sumut atorneqarpat?
”Tapiissutit atuakkat immiussanngornerannut atorneqarput. Tassa atuakkap nipilersuutitalimmik atuffassissutigineranut. Qallunaatuumit kalaallisut nutserneqarneranut, nipilersortartut akissarsiassaannut aamma teknikkimut, immiussinermut kiisalu mix/mastering aningaasat atorpavut”.
”Suliarineranittaaq paasivarput kalaallisut meeqqanut tusarnaagassanngorlugu immiussat siullersarigaat, taamaattumillu suliniut saqqumilaarnerulersinneqartoq.
Affarmik ataata Per Bloch-ip meeqqanut atuakkiaraa siulleq, saqqummersittagaasali siullersarinagu.
”Siornatigut assiliartalinnik, nipilersukkanik tusarnersulianillu atuakkiortarpunga. Assersuutigalugu 2019-imi assit atuagaasami katersat “Vi skal noget sammen”, Kalaallit nunaanni suliarineqartoq ilaatigut Kalaallit nunaanneersunik Avannaaneersunillu peqataaffigineqartoq saqqummersippara”.
Immiussat atuffassissutit tusarnaarsinnaavatit linki ataaniittoq toorlugu:
Affarmik ataata uani tusarnaaruk
Affarmik ataata uani tusarnaaruk
Aningaasaateqarfik Sermeq tulliani 1. novembari qinnuteqarfigineqarsinnaavoq. Piumasaqaataasut pillugit atuaruk uani linkimi: Sermeq puljen – Kommuneqarfik Sermersooq
