Kommunalbestyrelsip juuniip 9-ianni 2020 aalajangerpaa, siunnersuut Tasiilaq pillugu tamakkiisumik pilersaarut tamanut tusarniaassutigineqassasoq.
Siunertaa
Tasiilaq pillugu tamakkiisumik pilersaarut pilersaarutaavoq illoqarfiup atorneqarnissaanut periarfissanik aalajangersaasussaq siunissamilu qanoq pitsaanerpaamik ineriartortinneqarnissaannik aamma/imaluunniit nukittorsarnissaannik takutitsisuusoq. Pilersaarummi illoqarfiup pitsaaqutai pitsanngorsaaviginiarneqarput, taamaalilluni orniginarnera, qorsooqqinnera, illoqarfiup piujuartinneqarnissaa attatiinnarneqarniassammat, tassanilu illoqarfiup qeqqata ingerlalluarnissaa pingaartinneqassaaq, ataatsimoornissamut periarfissaqassaaq, illoqarfiup innuttaasui peqqinnissamut aalanissamullu periarfissinneqassallutik.
Pilersaarummi suliniutissat assigiinngitsut immikkoortiterneqarput, tamarmilli ataatsimut qulequtaqarput; illoqarfimmik innuttaasunut ataqatigiissumik pilersitsinissaq. Pilersaarut tamakkiisoq Najukkami Ataatsimiititaliamit sakkussaavoq, iliuuseqarnermilu malittarinnillattaartarnissamut aallaaviusassalluni.
Tamanut oqallisissiaq
Pilersaarutitut siunnersuut piffissami 22. juunimiit 15. aggusti 2019-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput auggusti 17-at 2020 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani takuneqarsinnaavoq
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.