Randi V. Evaldsen ·
Randi V. Evaldsen
Asasara Kommunalbestyrelsimut ilaasortaq, Randi Vestergaard Evaldsen (D)
Siullermik apeqqutinnut qujanaq.
Januaarip 16-ani 2019 qaartiterutaasiviup nalunaaqutsersornissaa pillugu aammalu Nuummi snescooterinik angallanneq pillugu allaffeqarfimmut apeqquteqarputit.
Apeqquteqarninnut asseq illit ilanngullugu nassiussat tunngavigivat, taassanilu tuschimik tungujortumik erseqqissarsimasanni qaartiterutaasiviup eqqaa takuneqarsinnaavoq.
Tamannaavoq snescooterertartoqatigiit snescootererlutik angalaartarfiat. Angalaarfissami nalunaaqutserneqanngitsunik qaartiterisoqarsimavoq, tamaanilu 15-20 meterinik sivinganeqalersimalluni. Tamanna snescooterertut takusinnaanngikkunikku imaluunniit maluginngitsoorunikku, ajoquserujussuarsinnaapput aammalu isumannaallisaanikkut illersorneqarsinnaanani.
Ilanngullugu erseqqissaatigivat, snescootererfiusinnaasutut nalunaaqutsersugaq, eqqortuunngitsoq.
Paaserusuppat, isumannaallisaaneq eqqarsaatigalugu tamanna allagartalersuiffigineqarniarnersoq, taavalu aamma nalunaaqutsersuisimanerit iluarsineqarlutik naqqinneqassanersut?
The administration's answer ·
The administration's answer
Sanarfinermut Avatangiisinullu Ingerlatsiviup pineqartoq misissorsimavaa, oqaatigisinnaallugulu sumiiffimmi tamaani kommunip illuliorfissagisaanera NCD-mit isumagineqartoq.
NCD sanaartortumik isumaqatigiissusiorsimavoq, sanaartortup piffissami sanaartorfiusumi nalunaaqutsersuineq isumagissagaa aserfallatsaaliorlugulu.
NCD-mi siunnersortip saaffiginnissut imatut akissuteqarfigaa:
”.. Januaarip 18-ianni nalunaaqutsersuineq suliarineqarpoq, pineqartoq pillugu facebookikkut allattoqarsimanera tunngavigalugu. Nalunaaqutsersuineq maannakkut majuartaateqarfiup isumannaallisaanermut ungalusaliaata orange assinganik nalunaaqutsersorneqarpoq. Isuatungaani illugiinni allagartalerneqarput “Aqqusaarneqarnissaa inerteqqutaavoq”. Kisianni snescooterit tamanna saneqquttuaannarpaat aammalumi inissaqartinneqarluni, apummik qattunilersitsinngikkunik. Ullumikkut Inooraq assinik nassikkakku takukkit. Aallaqqaammut snescooterit qaartiterutaasivik avannaqqullugu ingerlaqquneqartarnikuupput. Kisianni tamanna maannakkut pisinnaanngilaq, sulitilluni aqquserngup maannakkut iluarsaanneqaleruttornera pissutigalugu. GNC-p piffissami sanaartorfiusumi nalunaaqutsersuinerup aserfallatsaalineqarnissaa isumagissavaa. Orangeamik nalunaaqutsersuisimaneq tassaniiginnassaaq utaqqiisaasumik/ataavartumik ungalussaata ikkunneqarnissaata tungaanut.”
Inussiarnersumik inuulluaqqusillunga
Hans Henrik Winther Johannsen
Sanarfinermut Avatangiisinullu Ingerlatsivimmi pisortaq