Saaffissat saaffiginnissutillu nikinganerujussuat

Asasara Kommunalbestyrelsimut ilaasortaq Laura Taunâjik.

Siullermik qujanarujussuaq apeqqutinnut.

Februaari 13-ni 2019, allaffeqarfimmut apeqquteqaateqarputit inunnut attaveqaatinut saaffiginnissutinullu Equngassut pillugu. Apeqqutitit makkuusut Suliffeqarfimmut Kiffartuussivimmit tiguneqarput:

1. Suna pissutaava sulisut saaffiginnissutaasa akineqartannginnerannut? Uani pineqarput assersuutigalugu Sulisoqarnermut Immikkoortumut tunngasuni, akissarsianut imaluunniit allaffissornermik suliaqartunut.
2. Tasiilami Ilaqutariinnik sullissivik piaarnerpaamik akeqquneqartarpoq, tassanilu sulisut peqquneqaraangamik taama iliortarput, sunaliuna pissutaasoq, paarlattuanik uagut sullissivimmut saaffiginnikkaangatta sivisuumik akineqarneq ajornitsinnut?

Apeqqutitit makkuninnga tunngavilersuuteqarputit:

Tasiilami Ilaqutariinnut sullissivimmi sulisut sullissivimmit ilisimasassanik ujaaseqqaartarput piaartumillu akissutiserusuttarput. Akissutigineqartut sulisunit nakkutigineqaqqissaartarput sukkasuumillu sulissutiginninniartarlutik. Allaavorli Tasiilami ingerlatsivimmit e-mailikkut apeqquteqartoqaraangat, tamannalu sivisusinnaasarmat ilaannikkut pisariaqartarluni allakkatigut taamaasiornissaq. Naammaginanngilaq suleqatigiinneq taama assigiinngitsigitillugu, ilaqutariinnik sullissivimmi sulisut arlaleriarlutik suleqatigiinnerup oqimaannera misigisareerpaat.

Assersuutigalugu Sulisoqarnermut Immikkoortortaq imaluunniit allaffissornikkut suliaqarnermi suleqatigiinneq equsoortarpoq. Suna pissutaanersoq paaserusuttorujussuuarput. Imaassinnaavormi sulisussaaleqineq pissutaasoq. Tamanna paaserusupparput. Pingaartuuvoq suleqatigiinnerup assigiiaartumik ingerlanissaa, taamaanngippallu nassuiaammik perusuppugut, taamaasilluni sulisunut toqqissisimanarnerussammat.

Suliffeqarfimmut Kiffartuussinermit apeqqutitit suliarineqarput tassanngaanniillu paasissutissiissutigineqarsinnaavoq, siullertut innersuussutigineqassaaq, allaffeqarfimmi ajornartorsiuteqartoqarpat aqutsisut aqqusaaqqaartussaagamikkit, aamma suleqatigiinnermi ajornartorsiuteqartoqarpat. Uani qularnaarumallugu sulisup nipaata aqutsisorisamit qaninnermit tusarneqarnissaa, aqutsisorisallu suliat aallaavigalugit iliuuseqarfigisinnaagai, aqutsisormi sulisoqarnermut akisussaasuuvoq aamma – aqutsinissamut, pingaartuuvorlu aqutsisorisap qaninnerup saaffiginnissutit susassaqartunut ingerlateqqissagai, aqutsisup pisariaqartutut nalileruniuk, soorlu aamma atorfininnermi akissarsiaqarnermilu apeqqutit sulisup aqutsisua aqqutigalugu ingerlanneqartussaasut.

Tamakku saniatigut ukioq kingulleq suliassaqarfik Kangia (Tunu) immikkut chefeqalerpoq taannalu pisortaqatigiinni aamma ilaavoq. Suleqatigiinnermi taamatut ajornartorsiuteqartoqartillugu aamma periarfissaavoq, aqutsisuusup suliassaqarfimmi aqutsisoq attavigisinnaallugu. Peqatigitillugu ulloq februaari 1, 2019-mit atorfinitsinneqarpoq Tasiilami Kiffartuussigasuarnermi siunnersorti, taassumalu ilaatigut sulisoqarnermut kiffartuussinerit isumagisussaavai, taanna aamma sulisoqarnermut tunngasuni akulerunneqarsinnaavoq.