Pilersaarummut qinnuteqaat “Atortussiassanik Suliaqarfik”, Nuuk sapaatip-akunnerini arfineq-pingasuni tusarniaassutigineqassaaq, piffissami: 30.11-2020- 08.02-2021
Pilersaarummi qinnuteqaammi pineqartut tassaapput 40.000 m2 miss. atortussianik suliaqarfimmik, maskiinanut inissiisarfittalimmik tassunga atasumik talittarfimmik kiisalu 160 m. miss. talittarfik nunniukkamik pilersitsinissaq. Nuummi parnaarussiviup avannaatungaani immikkoortup ilaani 4B4-mi pilersaarutip sananeqarnissaa qinnutigineqarpoq.
Pilersaarummut qinnuteqaat kommunip nittartagaani, sermersooq.gl, Tusarniaatit toorlugu atuarneqarsinnaavoq imaluunniit Sanarfinermut Avatangiisinullu Ingerlatsivimmut saaffiginninnikkut oqarasuaat: 36 74 00.
Oqaaseqaatit aamma akerliliissutit plan@sermersooq.gl-imut nassiunneqassapput aamma ulloq 18.01-2021 08.02-2021 Kommuneqarfik Sermersuumit tiguneqareersimassapput.