Uani Kommuneqarfik Sermersuup umiatsianik, biilinik nummerpladetaqanngitsunik, containerinik assigisaannillu inuttassarsiuinermik passussisarnera pillugu paasisaqarsinnaavutit. Quppernermi ilaatigut saqqummiussinerit atuuttut pillugit linke-mik innersuussisarpoq.
Kommuneqarfik Sermersooq Nuummi umiatsianik, biilinik nummerpladitaqanngitsunik, containerinik assigisaannillu pigineqarpasinngitsunik nalunaarsuisarpoq.
Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq naapertorlugu qulaani pineqartut “inuttaqanngitsut”, sivikinnerpaamik qaammatini pingasuni inuttassarsiorneqareerneratigut kommunimit peerneqarsinnaapput.
Aammattaaq taamaattoqartillugu tamakku isumagineqarnerini peerneqarnerinilu aningaasartuutit matussuserneqarnissaannut inuttassarsiussinerup kingorna kommune akitsorterussinissamik pisinnaatitaaffeqarpoq.
Oqaatigineqassaaq, umiatsiaq, biili nummerpladitaqanngitsoq, containeri assigisaaluunniit avatangiisinut mingutsitsippat aqqusinikkulluunniit angalanermi akornutaappat kommune pisussaammat, nunaminertamut innersuunneqarsimasumut nuussallugu, tassanilu inuttassarsiussineq pissalluni.
Inuttassarsiuineq nittartakkami uani ingerlanneqartarpoq (Argis) ugguunalu takuneqarsinnaalluni.
Inuttassarsiuunneqartut arlaat pigisimagukku Kommuneqarfik Sermersuumut nammineq Innuttaasunik Sullissivimmut takkullutit E-mailikkulluunniit: sai@sermersooq.gl imaluunniit oqarasuaammut 367000 sianerlutit saaffiginnissinnaavutit.
Inuttassarsiuussineq naammassippat, inissitaq kommunimut taarsiinissamut akisussaaffiliinngitsumik kommunimit peerneqassaaq.