Sunngiffimmi atuartitsineq tassaavoq meeqqanik, inuusuttunik inersimasunillu sunngiffiup nalaani atuartitsineq.
Sunut atuartitsisoqarsinnaanera piffimmiit piffimmut assigiinngillat. Ilinniartitsisorineqartut apeqqutaapput, aamma suna pillugu inuit atuartitaarusunnersut apeqqutaavoq.
Sunngiffimmi atuartitsinerit sorliit malinnaavigissanerlugit uani malinnaaffigisinnaavatit, https://glsermersooq.speedadmin.dk/tilmelding#/ aamma najukkani tusagassiutitigut imaluunniit paasissutissiisarfikkut allani saqqummiunneqartarput.
Sunngiffimmi atuartitsineq kikkunnut tamanut atuuppoq.
Atuartitsissutit suuneri aamma atuartitsissutitut neqeroorutit
Sunngiffimmi atuartitsineq tallimanngorlugu agguagaavoq:
• Tamanut tunngasunik sunngiffimmi atuartitsineq tassaasoq atuartitsissutinik nalinginnaasunik, soorlu kalaallisut atuartitsinermik ingerlataqartoq, ikinnerpaamik peqataasut 8-ssapput
• Mernguernartunik atuartitsineq, soorlu erinarsoqatigiit, ikinnerpaamik peqataasut 12-iussapput
• Ilinniakkereqatigiinneq (studiekreds), ikinnerpaamik peqataasut 8-ssapput
• Oqalugiarnerit, ikinnerpaamik peqataasut 14-iussapput
• Assassorissanik ilinniartitsineq, ikinnerpaamik peqataasut 12-iussapput
Atuartitsissutinik ingerlataqarniaruit
Sunngiffimmi atuartitsinermi atuartitsissutinik pilersitsisoqarnissaanik immikkut kissaateqaruit, kommunerisanni sunngiffimmi atuartitsinermik akisussaasut attavigisinnaavatit. Atuartitsissutaasussamik neqeroortitsisoqarnissaanik ikiuussinnaassapput ilinniartitsisussarsiorlutillu.
Atuartitsisunut immikkut
Sunngiffimmi atuartitsinermi atuartitsinissamut kissaateqaruit, kommunerisanni sunngiffimmi atuartitsinermik akisussaasut attavigissavatit. Atuartitassanik ataatsimoortussanik pilersitsinissamut ikiorsinnaavaatsit. Atuartitsinissannut pilersaarusiortoqarsimanissaa piumasaqaataavoq. Atuartitsinerit ingerlalluarsinnaasoq pilersaaruteqarneq naapertorlugu qulakkeerneqassaaq.
Akigititat
Meeqqat inuusuttullu 20-it inorlugit ukiullit sunngiffimmi atuartitsinermi peqataanissaat akeqanngilaq.
Inersimasut immarsiornermut kiisalu ammerinernut tunngasut 200 koruuninik akeqarput, sinneri 100 koruuninik akeqarlutik.
Peqataanissamut nalunaarnermi akiliuteqartoqassaaq, tamatuma saniatigut inersimasut atuartitsinermi atortunut namminneq akiliissapput, soorlu:
• Atuakkanut
• Ammerinermi amermut
• Nerisassiorneq pillugu atuartitsinermi nerisassanut
• Qiperuinermi atortussanut
Peqataanissamut nalunaarneq
Sunngiffimmi atuartitsinermi peqataanissamut kissaateqaruit, peqataaniarlutit uunga nalunaassaatit:
https://glsermersooq.speedadmin.dk/tilmelding#/
Meeqqat nalunaarnissaat: Angajoqqaat meeqqatik sunngiffimmi sammisassanut ilanngunniarpassuk, inersimasut assigalugit nalunaarfissaq qulaaniittoq atorlugu immersuissapput.
Pilersitsiniaraanni nalinginnaasumik atuartitani ataatsini peqataasut arfineq-pingasuussapput. Taamatulli malittarisassaqarnikkut immikkut akuersissuteqartoqarsinnaavoq. Illit kommunerisat taannaavoq aalajangiisussaq.
Paasissutissanik amerlanerusunik perusukkaanni sunngiffik@sermersooq.gl allalluni imaluunniit 367530-mut sianernikkut saaffiginnittoqarsinnaavoq.
Peqataasinnaannginnermut nalunaarneq
Peqataasinnaanngikkuit eqqaamallugu ilinniartitsisunnut nalunaarnissat.
Ilinniartitsisut takkussinnaanngippat, assersuutigalugu napparsimappat, nalunaarfigitissaatit. Atuartinneqartut peqataaffigisatit atorunnaarsinneqarpata, tassa naammassinissamut qaammataannanngortorlu, aningaasaatitit utertinneqassapput.
Misilitsinneq
Sunngiffimmi atuartitsinermi atuartitsissutit ilaanni, soorlu motoorilerinermut tunngasuni, misilitsinneq periarfissaavoq.