Sommerskole Tasiilaq sapaatit-akunnerini marlunni ataatsimoorfiusumik, ilikkagaqarfiusumik misigisaqarfiusumillu ukioq manna sammisassaqartitseqqimmat, meeqqat inuusuttullu 240-t missaanniittut aasaanerani atuanngiffeqarnerminni kingumut sammisassaqarluarput.
Ulluni qulini misigisat nutaat
Meeqqat 110-t missaanniittut aasaanerani atuarfiup sulliviini ulluni qulini ullut tamaasa peqataasarput. Misilittaalluni sammisassanut ilaatigut ilaapput nerisassiorneq, mersorneq, qalipaaneq, sapangaaqqerineq, timersortarfimmi eqaarsaarluni nukersorneq aamma inuusuttut caféanni nerrivimmi pinnguaateqarneq. Pisarnertut KALAK skakkernermik Stéfan Herbertsson ilinniartitsisoqaralugu aaqqissuisuvoq.
Aasaanerani sammisassaqartitsinermittaaq misigisassat atuarfimmiinnaq pinngillat. Silami sammisaqartut Naasuliardarpimmukarput qaqqanilu tatsinut nalukkiarlutik – nutaatullu qaanniorfiusumik sulliveqarpoq. Meeqqat pinngortitamiinnertik nuannaringaaramikku atuarfimmukarteqqikkuminaassimasut aaqqissuisoq oqaluttuarpoq.
Peqatigiiffik aaqqissuisuusoq kommunimit tapersersorneqarpoq
Aasaanerani sammisassaqartitsineq kajumissuseq aallaavigalugu peqatigiiffimmit Sommerskole Tasiilaq-mit ingerlanneqarpoq, tassanilu Birgitha Kure Christensen aqutsisuuvoq. Aasaanerani sammisassaqartitsinerup ukioq manna ingerlanneqarnerani kajumissutsiminnik sulisut 17-it Tasiilamukarput, illoqarfiullu meerartaanut inuusuttaanullu aasaanerni sammisassanik, ataatsimoornermik nutaanillu misigisassanik aaqqissuinermi suleqataallutik. Sommerskole Tasiilaq 2015-imi aallartippoq.
Kommuneqarfik Sermersuup kajumissutsiminnik suleqataasut ineqarnerat isumagaa, atuarfiullu initaasa atorneqarnissaat periarfissaatillugu. Atuarfiullu pedelii allaffimmiuilu atorfissaqartitsisoqartillugu ikiuuttarput.
“Kommuni suleqatigilluaqaarput. Taamaattoqarsimanngippat aamma suleqataasut allat peqataasimanngippata suliniuterput piviusunngortissinnaasimanavianngikkaluarparput.” Sommerskole Tasiilami aqutsisoq, Birgitha Kure Christensen oqarpoq.
Aasaanerani sammisassaqartitsisarnerit akornanni peqatigiiffiup atortuutaanik uninngatitsilluni toqqortaateqarnerani, Tasiilami najukkami ataatsimiititaliaq ikiuuppoq. Peqatigiiffiup atortuutaanut toqqorsiviusussamik containeriliinermut najukkami ataatsimiititaliaq 147.600 koruuninik siorna immikkoortitsivoq.
Aningaasaliinerit piviusunngortitsisut
Sommerskole Tasiilaq amerlasuunit tapersersorneqarmat Kommuneqarfik Sermersuumit nuannaarutigineqaqaaq. Ukioq manna aasaanerani sammisassaqartitsinissap piviusunngortinneqarnissaanut aningaasaliisut tamaasa qutsavigingaarpagut:
- Aarhus Havkajak Klub
- Arctic Dream
- Bruun Laursens Fond
- Chris Christoffersen – Grønlandskalenderen
- Danske Bank Fonden
- Den A.P. Møllerske Støttefond
- Den Grønlandske Fond (Rigsombuddet)
- Dronning Margrethe og Prins Henriks Fond
- Grundfos Jubilæumsfond
- Grønlandsbanken
- Inuuneritta-puljen
- Jelling Festival Fonden
- KNI
- Kronprins Frederik og Kronprinsesse Marys Fond
- Lars Larsen JYSK Fond
- Lions Club
- Grønlandsudvalget
- NunaFonden
- Royal Arctic Line A/S
- RF Tasiilaq
- Rotary Silkeborg Østre Klub
- Skibsreder C. Kraemer og Hustru Grønlandsfond
- Surfline
- Symaskinetorvet
- Tasiilaq Tours
- Tqaqqit Tasiilaq
- Tasiilami najukkami ataatsimiititaliaq
- Kommuneqarfik Sermersooq
Sommerskole Tasiilami kajumissutsiminnik ikiuuttuttaaq Kommuneqarfik Sermersuup qutsavigai, taamatuttaaq Karl Bianco aasaanerani sammisassaqartitsinissami kajumissutsiminnik ikiuuttunut angalasseqqimmat qutsavigalugu.
Ulluni qulini aasaanerani sammisassaqartitsinerup nalaani meeqqat sullivinni assigiinngitsuni suliatik atuarfimmi saqqummersippat, sapaatit-akunnerilu marluk nuannersut naammassilluarlutik. Tulliani aasaanerani sammisassaqartitsisoqarnissaanut qilanaalereerpugut.
