Inuusuttut Kommunalbestyrelsiat innersuussutinik sisamanik kommunabestyrelsimut tunniussipput

Kommuneqarfik Sermersuumi Inuusuttut Kommunalbestylsiata ukiumoortumik ataatsimeersuarnera 2026 Nuummi ulluni tallimani ingerlanneqarpoq ataasinngorneq 1. juunimiit tallimanngorneq 5. juuni ilanngullugu.

Ullut inuusuttunut nuannersut, ikinngutigiilerfiusut imaqarluartullu ingerlanneqarput. Ataatsimeersuartut imminnut ilinniarlutillu meeqqat pisinnaatitaaffii, pimmatiginnittarneq, aalanermik sammisassaqartitsineq, kommunip iluani politikeritut, politikerillu aalajangingaat aallaavigalugit kommunip iluani sullissineq, inuiaqatigiit akornanni namminneq qanoq iliuuseqarnikkut sunneeqataallutillu suleqataasinnaanertik paasisaqarfigivaat. Ullunilu ataatsimoorfiusuni ilinniartitsisut ingiallortaasut kitaani tunimilu meeqqat ikinngutigiinneq aallaavigalugu attaveqaqatigiissinnaanerat anguniarlugu attaveqaatinik pilersitsipput.

Ullumi ataatsimeersuarnerup naammassinerani innersuussutit sisamat Kommunalbestyrelsimut tunniunneqarput. Innersuussutit kommunalbestyrelsi ataatsimiilerpat eqqartorneqarlutillu aalajangiiffigineqassapput.

“Inuusuttortatta innersuussutaat pingaaruteqartut ataatsimiinnermi oqaluuserinissaanut, suliassatullu ingerlaqqittussat suliaqarfiginissai qilanaarivara. Inuussuttummi innersuussutaat oqariartuutaallu kommunitsinni pingaaruteqarluinnarput. Neriiuutigivaralu kommunitsinni innuttaasut tamatta inuusuttortatta oqariartuutaat kivitseqataaffigiumaarigut”. ”- Taama oqaaseqarpoq Kommuneqarfik Sermersuumi borgmesteri Avaaraq S. Olsen.

Innersuussutit

Inuusuttut Kommunalbestyrelsiata ukiumoortumik ataatsimeersuarnera 2026
Inuusuddu kommunalbestyrelseala alaatsimeertsuarnernga 2026

PDF

Innersuussut 1

Kommuneqarfik Sermersuumi meeqqat inuusuttullu akornanni ataatsimuussuseq qanoq ililluta nukittorsarsinnaavarput?

Kommuneqarfiup iluani makkerklassit pilersinneqartariaqarput.
Ilaqutariit ullui amerlanerusariaqarput angalanermullu tapiisoqarsinnaalluni.
Aasakkut sumiiffinni klubbinilu sammisassat amerlanerusut pilersinneqartariaqarput.

Tsiunnertsuutsar 1

Kommuneqarfik Sermersuumi mertserdi inuusuddu agernanni alaatsimuutsuser qaniiserdila piaddartsiinnaavarpud?

Kommuneqarpila iluani makkerklassid pilertsinnerardaajararpud.
Ilarularngii uddui amerdaliilaajararpud aamma angalanermud dapiitsulerardorartsinnaaor.
Mannginnikkud tsumiippinni aamma klubbini tsammisatsad amerdaniid pilertsinnerardaajararpud.

Innersuussut 2

Inuusuttut Kommunalbestyrelsiata atuuffia qanoq nukittorsarsinnaavarput?

ATAATSIMIINNERIT AMERLANERUSUT:

Nuullu Avataani soorlu Tunumut Island-mullu ataatsimiigiarnerit paasisassarsiornerillu.
2 x Internet atorlugu
2 x Kommuneqarfik Sermersooq

Tsiunnersuutsar 2

Inuusuddud Kommunalbestyrelsiala aliippia qanertsanngisartsinnaavarpu?

ALAATSIMIINNII AMERDANII:

Aamma Nuup Avalaani tsoordu Tunumud Islandi muddu alaatsimiingiarnii aamma paasisatsartseernii.
2 x Internetti alerdungu
2 x Kommuneqarfik Sermersooq

Innersuussut 3

Qanoq ililluta atuarfinni pimmatiginninneq akiorsinnaavarput?

Pimmatiginninneq akiorniassagutsigu meeqqat akornanni tapersersueqatigiinneq ikioqatigiinnerlu pisariaqarpoq.
Atuarfimmi pimmatiginnittarneq pillugu paasisat nutaat pillugit ingerlaavartumik ilinniartitsisunut, atuartunut angajoqqaanullu ingerlatitseqqiisoqartassaaq.
Atuarfimmi pimmatiginnittarneq pillugu saaffissat amerlanerusariaqarput assersuutigalugu vagtit, isumaginninnermi siunnersortit, tarnip pissusiinik ilisimasallit aammalu sianerluni saaffissat amerlanerusut.

Tsiunnertsuutsar 3

Qaniiseerdila alivarpinni uuluulartsaarngilarner agiortinnaavarpud?

Uuluulartsaarnginer agiornaartsaardungu mertserdi agernanni dapertsertsueralingiinner aamma igioralingiinner pilaajararpor.
Alivarpimmi uuluulartsaarngilarner piddungu paasilad nulaad piddungu tsaqqimiisorardatsaor ilinniarditsisunud, alivardinud aamma angajoqqaanud paasitsulitsiiddili.
Alivarpimmi uuluulartsaarngilarner piddungu tsaappitsarardaajararpor atsertsuuliiddungu vagtid amerdaniid, isumanginninnermi tsiunnertsordid, darnid pitsusaanni ilisimasarardid. Aamma tsianerdini tsaappitsar.

Innersuussut 4

Nammineq innersuussutigisaat

Timikkut tarnikkullu peqqissuuneq pillugu Kommuneqarfik Sermersooq assigiinnik naleqartitaqassasoq.
Assersuutigalugu kinguaassiutit atornerat pillugu atuartinneqarneq tamanut ersarinnerusoq pissarsiaqarnarnersusorlu.
Aalakoornartoq, vape, snus, cigaretsi aanngajaarniutillu allat pillugit atuartitsisoqassasoq paasissutissiisoqassasorlu.
Illoqarfinni nunaqarfinnilu assigiinngitsuni inuusuttunut tarnikkut timikkullu peqqissuunissaq pingaaruteqarmat timersornissamut periarfissat orniginarnerusut soorlu arsaattarfeeqqat atoqqitanik ungalullit, naluttarfiit, cykkilertarfiit, inuusuttuaqqanut fitness kissaatigineqarput.
Ittoqqortoormiit: Maannakkoqqissaaq klubbit timersortarfimmiittarmata nammineq klubbeqalernissaq kissaatigineqarpoq.
Kulusuk Tasiilarlu: Multibane pitsaanerusoq, natitaa narlortoq.

Tsiunnertsuutsar 4

Nammeer tsiunnertsuutsad

Dimikkud aamma darnikkud peqqitsuser piddungu Kommuneqarfik Sermersooq atsingiinni nalerardilaratsaler
Atsertsuuliiddungu kiivaatsiilid piddungud ajerertsiitsiner damanginnud erdaadiitsaler aamma pitsartsiararnardiitsaler.
Imingatsar, vape, snusi, poortarner aamma igiarngoornardid adda piddungu alivarditsisorarnitsaa aamma paasitsulitsiilorarnitsaa.
Pippini atsingiinngitsini inuusuddunud dimikkud peqqitsuunitsar pingaarnguleraajarmad dimertsornitsamud piiarpitsad ajernanngitsiilimi orninnerartsinnaanitsaad tsoordu artsaaddarpiid migiliilud aleqqinnerardini tsinaakkulerardi, puumiddardarpiid iddilarardid, cykkilerdarpiid, inuusuddunud fitnesserdarpiid.
Ittoqqortoormiit: Damaddaqqitsar klubbid dimertsordarpimmeerngaarmala kitsaaliivarpud nammeer klubberalernitsarpud.
Kulusuk aamma Tasiilaq: Multibane ajinngitsiilor, nalilaa manidder.