Kommuneqarfik Sermersuumi qarasaasiatigit annertuumik ajornartorsiuteqartoqarnera aaqqinniarlugu suli assoroorluni sulisoqarpoq.
Mailit, oqarasuaatit aamma sullissinermi systemit digitaliusut suli sunneqqaneqarput, taamaattumillu sullissinerup pisarnermit sivisunerunissaa naatsorsuutigineqartariaqarpoq.
Kommuni suli ammavoq innuttaasullu saaffiginnittut sullinneqarsinnaapput, sapinngisarlu aallaavigalugu innuttaasut suli kiffartuussinnaajumalugit immikkoortortaqarfiit amerlanerit digitali atornagu suleriuseqarnermik aallartitsipput.
Atuarfiit, ulluunerani paaqqinnittarfiit, isumaginninnermik suliaqarneq, utoqqarnik paaqqutarinninneq aamma allat innuttaasunut toqqaannartumik attaveqarluni suliaqarfiit pisarnertut ingerlapput. Isumaginninnermi pigaartumut, nalunaarutiginninnermut, utoqqarnik paaqqutarinninnermut aamma Suliffeqarnermut Isumaginninnermullu Ingerlatsivimmut tunngatillugu toqqaannartumik attavissat nutaarsiassami allaasereriikkatsinni takusinnaavatit.
Nutaarsiassamut allaasereriikkamut linki:
Kommuneqarfik Sermersuumi qarasaasiatigut suli ajornartorsiortoqarpoq – https://sermersooq.gl/kl/2026/05/26/kommuneqarfik-sermersuumi-qarasaasiatigut-suli-ajornartorsiortoqarpoq/
Teknikkikkut ajutoortoqarnerani kommunip oqarasuaatai suli sunnerneqarput – https://sermersooq.gl/kl/2026/05/27/teknikkikkut-ajutoortoqarnerani-kommunip-oqarasuaatai-suli-sunnerneqarput-2/