Aqqusinermi Angalaartartut angerlarsimaffeqanngitsunut ineqarnermut akiliisinnaassusilinnut, suliffeqartunut imaluunniit ilinniartunut najugaqalernissamut sungiusarnissamit qinnuteqaatinik tigooraasarput. Aaqqissuussaq ukioq ataaseq affaalu tikillugit sivisussusilimmik ineeqqamik attartornissamut periarfissiivoq. Innuttaasut ulluinnarni inuunerminnik, suliffimminnik ilinniarnerminnilluunniit attassiniarneranni aalaakkaanermik pilersitsinissaq tapersersuinissarlu anguniagaavoq.
Qinnuteqaatit pingasunngornerit tamaasa nalunaaqutaq 10.00-imiit 15.00-ip tungaanut, angerlarsimaffeqanngitsunut unnuisarfimmi Ungaami Prinsessevej 2-mi tunniunneqarsinnaapput. Aaqqissuussamut ilanngunniaraanni uppernarsaatit qinnuteqartumiit tunniunneqartussat ilaatigut ukuupput; ineqarnermut akiliisinnaassuseqarneq, akissarsiat allagartaat aamma INI A/S-imi Iserit-imiluunniit allatsissimanermut uppernarsaat.
Aqqusinermi Angalaartartut oqaaseqaateqarput:
”Innuttaasut suliffeqarnermikkut imaluunniit ilinniagaqarnermikkut akisussaassuseqartumik ingerlatsereersut pitsaasumik sinaakkusersornissaat kissaatigaarput. Najugaqalernissamut sungiusarneq siunissamut toqqissisimanartumut alloriarneruvoq pingaarutilik,” Aqqusinermi Angalaartartunut aqutsisoq Marthannguaq Dahl Bech oqarpoq.
Paasissutissat:
- Sumiiffik: Angerlarsimaffeqanngitsunut unnuisarfik Ungaaq, Prinsessevej 2, Nuuk
- Qassinut: Pingasunngornikkut nal. 10.00 – 15.00
- Attavissat: Aqqusinermi Angalaartartut gadeteam@sermersooq.gl imaluunniit oqarasuaatikkut +299 58 79 24
Allatsinnermi uppernarsaatit tunniunneqartussat:
- Kommuneqarfik Sermersuumi najugaqarfeqannginnermut uppernarsaat, inunnik nalunaarsuisarfimmi pissarsiarineqartussami allassimassaaq “najugaqarfia ilisimaneqanngilaq”
- Ineqarnermut akiliisinnaassuseqarnermut uppernarsaat.
- Akissarsiat allagartaat kingulliit pingasut imaluunniit sulileqqaarnermit, imaluunniit ilinniagaqarnermut allagartaq.
- Ini A/S-imut aamma Iserit-imut initaarniarluni allatsissimanermut uppernarsaatit.
- Inissiaatileqatigiiffinnut taarsigassaqaraanni taarsersuinissamut isumaqatigiissummut uppernarsaat.
- Bankerisami budgetkonto-mik ammaasimanermut uppernarsaat.
- Kiisalu qinnuteqartumut attavissaq, ateq inuuillu ilanngunneqassallutik.
Najugaqalernissamut sungiusarnermi najugaqartumut ilisarnaammut immersugassaq, attartornermut isumaqatigiissut, iliuusissatut pilersaarut aamma malinnaaffiginninneq ilaassapput
Aqqusinermi Angalaartartut – Isumaginninnermut suliassaqarfik Mobil nr.: 587924