Suliffeqarnermut Isumaginninnermullu sullissivimmi suliat pitsaassusissaata allaaserineqarneri 2025

Quppernermi uani Suliffissarsiuussisarfimmut tunngasuni Suliat pitsaassusissaasa allaaserineqarnerat 2025 paasissutissat nassaarisinnaavatit – Uani ilaapput Ilinniartitaanermut- aamma suliffissaqartitsinerup ingerlasarnera, piginnaasassanut piumasaqaatit, pitsaassutsimik malinnaaviginninneq, innersuussinerit suliallu suliarineqartarnerinut killissarititat.

Suliffeqarnermut Isumaginninnermullu sullissiviup innuttaasut siunnersortarpai aqqutissiuuttarlugillu kiisalu iliuusissatut pilersaarusiuuttarlugit pisortallu ikiorsiissutaannik pisartagaqalernissamut, ilaatigut utoqqalinermi pensionisiaqalernissamut siusinaartumillu pensionisiaqalernissamut, ineqarnermut tapiissutinik, pisortat ikiorsiissutaannik ilisinermilu ikiorsiissutinik qinnuteqaasiornermi sullittarlugit. Suliffeqarnermut Isumaginninnermullu sullissiviup aamma kommunip angerlarsimaffeqanngitsunut unnuisarfia akisussaaffigaa.

Suliffeqarnermut Isumaginninnermullu sullissiviup innuttaasut namminerisamik isumaqartumillu inuuneqarnissaannut ikorfartuinissaq pingaarnertut siunertaavoq. Innuttaasoq suleqataalluartussatut isigineqarpoq, suliamillu ilisimasalinnit naapinneqartarpoq, pineqartup piginnaasai nukissaalu qitiutillugit sulilersinneqarnissaa anguniarneqartarluni.

Suliffeqarnermut Isumaginninnermullu sullissiviup suliat pitsaassusissaannik allaaserinninnerit tassaapput ikiorsiissuteqarnermut tunngasut, kommunip ataatsimut isiginnittumik angerlarsimaffeqanngitsunut pitsaaliuilluni suliaannik nassuiaataasut, taakkulu tassaapput Aqqusinermi ujartuilluni angalaaqatigiit, angerlarsimaffeqanngitsunut unnuisarfiit arlallit inissiaataagallartullu akornanni suleqatigiit. Aqqusinermi ujartuilluni angalaaqatigiit innuttaasoq peqatigalugu iliuusissatut pilersaarusiussapput, inuiaqatigiinnut piginnaanngorsaanerit kiisalu atassuteqartitsiniarneq. Angerlarsimaffeqanngitsunut unnuisarfiit unnuisitsinermik neqerooruteqartarput, najugaqarfigineqarallarsinnaasullu (najugaqalernissamut sungiusarnermik neqeroorutit misiligutaasumillu inissiat) innuttaasut imminnut ikiorsinnaalernissaannut neqeroorutaapput toqqissisimalluni utaqqiisaasumik najugaqarfissatut.

Suliffeqarnermut Isumaginninnermullu aamma suliffissaaleqisunut tunngasut, suliassaqartitsiniutinut tunngasut, piginnaanngorsaaneq, suliffeqarnermut ilinniarnermullu aqqutissiuussineq kiisalu piginnaanngorsarnissamut neqeroorutit suliaasa ilaraat.

Suliat pitsaassusissaasa allaaserinerini ikiorsiissutit neqeroorutillu aalajangersimasut ataasiakkaat sunik imaqarnersut nassuiaasersoqarneqarput.

Ataani ikiorsiissutit allaaserineqartut pillugit Suliffeqarnermut Isumaginninnermullu sullissiviup saaffiginninnermi ullormi tassani saaffiginniffimmi saaffiginnissutit Aqqusinerni ujartuisunit akineqartarput. Aqqusinermi ujartuillutik angalaartartut saaffiginnissutit pillugit aalajangiisarput angerlarsimaffeqanngitsut unnuisarfiannik atugaqarsinnaaneq, najugaqalernissamut sungiusarfittut neqeroorut aamma misiligummik najugaqarfik pillugit saaffiginnissutsit ullup 1, sapaatip akunnerisa 2 aamma qaammatit 2 iluanni akineqartarput.
Suliffissarsiuussisarnermut sulianut tamanut tunngasut suliat pitsaassusissaannik allaaserisat tamanut atuupput, qinnuteqartoq ulluinnaat suliffiusut qulit iluanni nalunaarfigineqassasoq, saaffiginnissut Majoriamit tiguneqarsimanera pillugu. Suliffeqanngikkallarnermi ikiorsiissutinik pisartagalinnut atuuppoq, saaffiginninnerup kingorna sapaatip akunneri sisamat iluanni iliuusissatut pilersaarut Majoriaq suleqatigalugu pilersaarusiorneqassasoq. Itigartitsineq allakkatigut tunngavilersorneqassaaq maalaaruteqarnissamullu ilitsersuummik ilanngussiffigalugu nassiunneqassalluni.

Suliat allaaserinerini kiffartuussissutigineqartut neqeroorutigineqartullu ataasikkaat qanoq matussusiissanersut nassuiaasersoqarneqarput.

Ilinniagaqarneq suliffeqarnerlu

Nuttarnerulersitsiniarluni ikiorsiissutit

Siunertaq
Suliat pitsaassusaasa allaaserinerat kommunimi suliassaqarfinni qulaani taaneqartuni suliniutini neqeroorutinik paasissutissiisuupput, tassungalu innuttaasut kiffartuunneqarnissamut tulleriiaartunut inissinneqarnissaannut piumasaqaatit sorliit atuutissanersut paasissutissiissutigineqarluni. Suliat allaaserineri innuttaasut Kommuneqarfik Sermersuumi sumiluunniit najugaqaraluarunik assigiimmik kiffartuunneqarnissaannik qulakkeerisuussaaq.

Suliat pitsaassusaasa allaaserinerani pingaarnerit:

  • Inatsisitigut tunngavigineqartut
  • Siunertaq
  • Sullinneqartut
  • Kiffartuussinernik nassuiaateqarneq.
  • Innersuussisarnermi piumasaqaatit
  • Piginnaassutsimut piumasaqaatit
  • Naammagittaalliornissamut ilitsersuut.

Sulianik allaaserinninnerup sulisunut innuttaasunullu ersarissumik paasinartumillu kiffartuussinerup imarisaanik nassuiaatitaqarnissaat siunertaraa.

Suliat pitsaassusaasa allaaserinerat ilaatigut makkuninnga iluaqutissartaqarput:

  • Suliat pitsaassusaasa allaaserinerat innuttaasut ataasiakkaat ikiorneqarnissamik pisariaqartitsigaangata pisinnaatitaaffiinik erseqqissaassuussapput.
  • Innersuussisartut inniminniisarnermikkut sulisullu isumaginninnikkut sulianik allaaserinninnerit sulinerminni atortarpaat, taamaalillutik kiffartuussinerup agguataarneqarneranut piumasaqaataasut qanorlu imaqarneri erseqqarissumik nassuiaasersorneqarlutik.
  • Suliat pitsaassusaasa allaaserinerat politikkikkut sakkussaapput, sullissineq inatsisit politikkikkullu pingaarnersiuineq naapertorlugit, politikkikkut aalajangersaaffigineqartarmat.

Piginnaasassanut piumasaqaatigineqartut
Kiffartuussinernik sullissisut innuttaasunut ataasiakkaanut ikiorsiinissamik tapersiinissamullu akuersissutigineqartumut pilersaarusiussapput naammassinnissallutillu, tulleriissaarinermi aalajangiineq kiffartuussinerullu pitsaassusaa suliat pitsaassusaasa allaaserinerani nassuiaatigineqarpoq.

Suliani allaaserineqartuni ataasiakkaani allassimavoq sullissisup sulisut paaqqutarinninnermik tapersersortitulluunniit suliaqartussap isumaginninnermi peqqissaanermi imaluunniit perorsaasutut ilinniarsimasuunissaa pisariaqassasoq. Suliat pitsaassusaasa allaaserinerani allassimavoq sullissinermi piginnaasassanut piumasaqaatigineqartut suut atuutsinneqarnersut.

Suliassap suussusaa innuttaasullu inissisimanerata ataatsimut isiginerani suliassap tunniunneqartup annertussusaata nalilersorneqarneranut tunngaviussaaq. Inuttaasup inissisimanera, suliallu annertussusaa sulisullu ataasiakkaat piginnaasaa suliamik tunniussinissamut aalajangiisuusaaq. Taamaattumillu sullissivinni ataasiakkaani aqutsisoq, suliassap suuneranik sulisullu suleqatigalugit kiap suliamik naammassinninnissaa nalilersussavaa.

Innuttaasut tamarmik Kommunimi sumiluunniit najugaqaraluarunik assigiimmik kiffartuunneqarnissaat pingaartinneqaraluartoq, illoqarfimmi sumiiffinnilu assigiinngitsuni ilinniarsimasunik sulisoqarnissap unammillernartuunera peqqutaalluni kiffartuussineq assigiinngisitaarpoq. Ilinniarsimanngitsunik sulilersitsinikkulli ilinniartitsisarneq suliat pitsaassusaasa allaaserineqarnerisalu atuutilerneranut piumasaqaatigineqartut eqquutsinniarlugit sapinngisamik immikkut iliiuseqartoqarpoq.

Pitsaassutsimik malittarinninneq
Kommunip siullertut pingaarnertullu suliassaraa kommunimi innuttaasut pitsaanerpaamik kiffartuunneqarnerat qulakkiissallugu. Ataatsimut isigalugu anguniagaqarnikkut suliassaqarfinni arlalinni pitsaassutsimik isiginiarneq pingaartinneqarpoq:

  • Kiffartuussinerit ikiorsiissutillu pitsaasut
  • Pisortat ingerlatseriaasiat pitsaasoq
  • Ingerlatsineq suleriaatsillu pitsaasut
  • Sulinermi atugassarititaasut pitsaasut

Suliat allaaserisarneri atortussat ilagaat pitsaassutsimik qulakkeerisussaq. Kiffartuussinerup qaffasissusissaatut aalajangiussat malinneqarnissaat aamma ikiorsiissutit innuttaasut ataasiakkaat pisariaqartitaannik matussusiinissaq qulakkeerneqassaaq. Ukiumut ataasiarluni suliat pitsaassusaasa allaaserinerat tamarmik misissorneqartarput nutarterneqartarlutillu, missingersuutillu akuerineqarnerini politikkikkut suliarineqartarput akuerineqartarlutillu. 

Kommunimi kiffartuussinerit inatsisinut atuuttunut naapertuunnissaat ingerlatsiviullu naammassisassatut kiffartuussinermilu anguniakkaminnik kiisalu politikkikkut siunertanut anguniagaqarnermi aqutsinikkut nalinginnaasumik misissuisoqarpoq.

Innersuussisartut
Kiffartuussinerni amerlanerni, sulianik allaaserinninnerni ersersinneqartuni, innuttaasoq kiffartuunneqassaguni innersuussisartunit allatsissimassasoq ersersinneqarpoq. Innuttaasoq aamma assersuutigalugu isumassuisut qanigisaasulluunniit suleqatigalugit innersuussisartoq innuttaasup ikiorneqarnissaminik pisariaqartitsineranik naliliissaaq.

Innuttaasup sullissisup, innersuussisartup/timigissaasut isumaginnittullu akornanni suleqatigiinneq ataqqinninnermik unneqqarinnermik tatiginninnermillu tunngaveqartumik pissaaq, aalajangiinerit iliuusissallu pitsaanerpaamik aaqqiissuteqarfigiumallugit. Tamannalu pissaaq innuttaasoq naligalugu oqaloqatigineratigut, tassuunalu sapinngisamik innuttaasup inuunermik isiginninnera, ileqqorisaanut inooriaasianullu tulluarsaanissaq qulakkeerniarlugu.

Sullissinissamut piffissarititat
Inuit innarluutillit pillugit inatsit naapertorlugu taperserneqarnissaq pillugu qinnuteqaatip tiguneqarneranit, aalajangiinerup pereersimanissaanut piffissaq qanoq sivisutigissanersoq, piffissamut killiliussanik kommunalbestyrelse aalajangersaassaaq.

Inatsisartut inuit innarluutillit tapersersorneqarnissaannut inatsisaat nr. 13, 12 juuni 2019-imeersoq naapertorlugu tapersersorneqarnissamik qinnuteqaatit suliarineqarnissaannut 2024-mi qaammatit sisamat piffissaritinneqarput,

Piffissap taassuma iluani aalajangiisoqarsinnaanngippat, taava innuttaasoq allakkatigut ilisimatinneqassaaq aalajangiineq qaqugu naatsorsuutigineqarnissaa pillugu, kiisalu matumani pisumi piffissaritinneqartup sooq malinneqarsinnaannginneranik nassuiaanneqassaaq.

Naammagittaalliuuteqarnissamut ilitsersuut
Innuttaasumit aalajangiineq isumaqataaffiginikuungikkuniuk, innuttaasoq naammagittaalliuteqarnissaminut periarfissaqakkajuttarpoq. Ikiorsiissuteqarnerni ataasiakkaanni naammagittaalliuteqarnissamut ilitsersuut ersersinneqartarpoq.