Meeqqap inuusuttulluunniit paarinerlunneqarneranik (sumiginnagaaneranik), annersarneqarneranik aamma meeqqap inuusuttulluunniit sioorasaarneqarneranik inoqutigiinniluunniit allanut sioorasaarisoqarneranik imaluunniit meeqqamik inuusuttumilluunniit kinguaassiuutitigut atornerluisoqarsimaneranik pasitsaassinermi suliaq nukinginnartutut isigineqassaaq. Meeqqap inuusuttulluunniit pisariaqartitai isumannaatsuuneralu ernumassutigigukkit ingerlaannaq nalunaaruteqartussaatitaavutit. Suliaq nukinginnartuunersoq nalileruminaassinnaavoq. Nalorniguit siunnersorneqarniarlutit ilitsersorneqarniarlutillu Nalunaaruteqartarnermi Sulisoq attavigiuk.
Kommuneqarfik Sermersuumi Nalunaarutiginninnermut upalungaarsimasoq ulloq unnuarlu oqarasuaammut uunga attavigiuk: 55 57 31
Saaffiginnissutaasoq pinartuunngippat, kommunip ammasarfiata nalaani Isumaginninnermi Ingerlatsiviup saaffiginnittarfia 36 72 81-mut sianerluni attavigineqarsinnaavoq.
Aamma allakkatigut oqaasiinnakkulluunniit nalunaarusiornissaq periarfissaavoq. Allakkatigut saaffiginnissutit uunga nassiunneqarsinnaapput: Meeqqavut@sermersooq.gl
Kommunip ammasarfiata avataani Isumagininnermi Pigaartoq oqarasuaatit normui ataaniittut atorlugit attavigissavat.
| Isumaginninnermi pigaartoq uani | Oqarasuaat |
| Nuuk: | 55 57 31 |
| Tasiilaq nal. 16-imiit nal. 8-mut kiisalu tallimanngornermit nal. 15-imiit ataasinngornermut nal. 8-mut | 59 82 20 |
| Paamiut nal. 16-imiit nal. 8-mut kiisalu tallimanngornermit nal. 15-imiit ataasinngornermut nal. 8-mut. | 53 22 98 |
| Ittoqqortoormiit nal. 16-imiit nal. 8-mut kiisalu tallimanngornermit nal. 15-imiit ataasinngornermut nal. 8-mut | 59 91 01 |