Suialaa Arts Festival tassaavoq Kalaallit Nunaata qeqqani – Nuummi – eqqumiitsuliornermik kulturilerinermillu pikialaartitsineq.
Kalaallit Nunaanni kulturikkut aaqqissuussat annerpaat ilaannut ingerlanneqartuartumut Suialaa Arts Festival assigiinngitsutigut eqqumiitsuliornermi ukioq allortarlugu pikialaartitsisarneruvoq. Nunatsinnit, Nunani Avannarlernit aamma Issittumit eqqumiitsuliortunut isiginnaariartut misigisaqarfigisinnaasaat ilaatigut tassaapput nipilersorneq, isiginnaartitsineq, assilialiorneq, saqqummersitsinerit, atuakkialerineq, workshoppit aamma art-talks (oqaasinnguiniarluni eqqumiitsuliorneq). Suialaa Arts Festivalimi qitiutinneqartoq tassaavoq pilersitseqatigiinneq peqataanerlu, peqataasut isiginnaartullu akornanni aliikkusersuinerit eqqumiitsuliornerillu ilisimaneqarnerulersinniarlugit.
Suialaa Arts Festival tamanut sammisaqarfiussaaq.
Tassunga tunngasumik uani paasissutissanik annertunerusunik atuarsinnaavutit.
Tullissaani kulturisiortitsineq 2025-mi oktobarip 23-aniit 26-anut pissaaq.
Suialaa Arts Festivalimut qanoq ilillunga billetsimik pissarsissaanga?
Suialaa Arts Festivalimut billitseerniarnissaq pisussaq sioqqulluarlugu nalunaarutigineqarumaarpoq.
Suialaa Arts Festival 2015-imi aallartinneqarpoq, piginnittuullutik Kommuneqarfik Sermersooq aamma NAPA, Kalaallit Nunaanni Nunat Avannarliit Illuutaat.
2015-imiit 2024-mut festivalitta Nuummi Nunat Avannarliit Kulturisioqatigiinnerat taaguutigaa.
Kulturisioqatigiissitsinermut kulturilerinermik suliallit Nuummeersut aningaasaliissuteqartartut amerlasuut aningaasaliissuteqartarput. Ilaatigut Katuaq, Nunatta Isiginnaartitsisarfia, Nuummi Eqqumiitsulianik Saqqummersitsivik, Nunatta Atuagaateqarfia, Nuummi Katersugaasivik, Nunatta Katersugaasivia allarpassuillu. Nuummi suleqatigineqartut saniatigut kulturilerisut aamma nunanit tamalaaneersut arlalissuit festivalinik kulturimullu tunngasunik suleqateqarput.