Sanaartornermi, nutarterinermi isaterinermiluunniit suliaqarnermi eqqagassarpassuaqalersinnaavoq. Eqqortumik igitsinermi suliarineqarnissaat qulakkeerniarlugu assigiinngitsut Kommuneqarfik Sermersuumut nalunaarutigineqassapput.
Sanaartornernillu eqqakkat qaqugukkut nalunaarutigineqassappat?
Eqqagassaatitit kommunimut nalunaarutigissavatit ima pisoqarpat:
Eqqagassat sapaatip akunneranut 50 m³-init annerulerpata, imaluunniit sanaartornermut isaterinermulluunniit suliamit tamarmit eqqagassat 100 m³-init annerulerpata, sapaatip akunneranut annertussusaat apeqqutaatinnagu.
Nalunaaruteqarnikkut kommuni nalilersuisinnaalissaaq, eqqakkat kommunip eqqakkanik tigooraavimmi tiguneqarsinnaanersut passunneqassanersullu.
Nalunaarut sunik imaqassava?
Tamakkiisumik nalunaaruteqarneq paasissutissanik makkuninnga imaqassaaq:
- Ulloq nalunaarutigineqarfia.
- Sanaartortitsisup aqqa najugaalu.
- Illuutigineqartup adressea nunaminertamillu atuinissamut normua.
- Suliaqarnissap aallartinnissaanut ulloq naatsorsuutigineqartoq.
- Eqqakkanik nalunaarusiortup aqqa najugaalu.
- Nalunaarusiornermi ulloq.
- Ukioq sananeqarfia imaluunniit nutarterneqarfia.
- Akuutissanik ulorianartoqarpa, taakkua pillugit paasissutissat.
- Nalunaarut makkuninnga imaqartussaq:
- Akuutissat ulorianartullit sumiinneranik nalunaarsorneqassaaq (assitalerlugu imaluunniit titartagartalerlugu, tamanna pisariaqassappat).
- Eqqakkat akuutissanik ulorianartullit suunerinik nalunaarsorneqassapput (nalunaarsorlugit ilisarnaasersorlugillu, il.il.).
- Eqqakkat ulorianartunik akuutissallit qanoq immikkoortinnissaat, peernissaat passunnissaallu pillugit pilersaarut.
- EAK-kodit malillugit eqqakkallu assigiinngitsut immikkoortinnerisigut eqqakkat amerlassusissaannut suussusissaannullu naatsorsuutigineqartut.
- Eqqanik suliaqaneq najoqqutaralugu, kina eqqakkanik tigusisuusoq imal. paasissutissat sanaartornimi eqqakkat qanoq atoqqinniarnersut.
Nalunaaruteqartarnermut immersugassaaterput atorsinnaavat
Sulianik sullissinerup oqilisarnissaa siunertaralugu makku suliarisimavagut:
- Nalunaaruteqartarnermut immersugassaq,
- Immersornissaanut ilitsersuut, aamma
- Kommunip eqqagassalerinermut maleruaqqusaa atuuttoq.
Immersugassaq atussagit innersuussutigissavarput, taamaaliornikkut ilinnut suliaq sukkanerusumik eqaannerusumillu suliarineqarnissaa qulakkeerneqassammat.
(LINK iserfissaq uunga ikkunneqassaaq)
Nalunaarutiginninneq ima nassiutissavat
Nalunaarutiginninneq immersugaq tassungalu ilanngussat uunga nassiunneqassapput:
SAI@sermersooq.gl
Suliarinninnermi piffissaq atorneqartoq
Sanaartornermi eqqakkanik nalunaarutiginninnerit sapaatip akunneri sisamat tikillugit suliarineqarsinnaasarput. Kommuneqarfik Sermersuumi imikkoortortaqarfia mikisunnguuvoq, oqartussat assigiinngitsut suliassaannik isumaginnittartunik, taamaammat piffissap ilaani suliat sivisuumik suliarineqarsinnaasarput.
Taamaammat pingaaruteqarpoq piffissaqarluartillugu nalunaarusiaq nassiunnissaa suliap aallartinnginnerani. Siusissukkut nalunaaruteqarnikkut sanaartornermi / isaterinermi kinguaattoortitsisinnaanera annikillisarniarlugu, tamatumanilu nalilersuinerit pisariaqartut suliarinissaannut qulakkiissallugit.
Nalunaarutiginninnerit amigaatillit
Nalunaarutiginninneq amigarpat kommunip suliaq aallartissinnaanngilaa. Taamaattoqarnerani sanaartortitsisoq siunnersuisorluunniit attavigineqassaaq paasissutissat uppernarsaatilluunniit amigaataasut nassiuteqqullugit qinnuigineqassalluni.
Suliamik suliarinninnerup sapaatit akunnerinik sisamanik piffissaliussaq aatsaat aallartissaaq kommunip nalunaarutiginninneq tamakkiisoq tigusimaleriarpagu. Nalunaarusiat amigartut, misissueqqissaarnerit tamakkiisuunngitsut, EAK-kodit amigaataasut imaluunniit eqqakkat annertussusaat paasiuminaatsut pilersaarummik annertuumik kinguartitsisinnaapput.
Taamaammat nalunaarutiginninnerup eqqortuunissaa nassiunneranilu tamakkiisuunissaanut qulakkeernissaa pingaaruteqarpoq.
Kommunip nalunaarutiginninnermik suliarinninnera
Kommunip nalunaarutiginninneq tiguppagu makku nalilersussavagut:
Eqqakkat kommunip eqqakkanik tigooraavinni tiguneqarsinnaanersut, kiisalu eqqakkat kommunip eqqagassaleriffiginngisaanut sanaartortitsisup tunniussinnaanerai pillugit akuersissuteqartoqarsinnaanersoq.
Eqqakkanik tigooraaviup eqqakkanik pineqartunik tigooraanissamut akuerisaanersoq akuersissuteqarnissamut apeqqutaassaaq.
Akiliutit
Kommuneqarfik Sermersooq eqqakkanik tigusinissamut, passussinissamut suliarinninnissamullu kommunip akigititai malillugit akiliisitsissaaq. Akit atuuttut uani takuneqarsinnaapput:
Innersuussutigaarput nalunaarutiginninnerup nassiutinnginnerani akit misissuataarnissai.
Apeqqutissaqarpit?
Nalunaarutiginninnermut imal. Immersugassamut tunngatillugu apeqqutissaqassaguit, uatsinnut attaveqarnissamut tikilluaqqusaavutit:
- E-mail: affald@sermersooq.gl
- Oqarasuuatip normua: 36 74 11
Suliap ingerlanneranut ilitsersuillutalu nassuiaalluta ikiuussinnaavugut