Juaaka Lyberth ·
Juaaka Lyberth
Apeqqutitit Suliffeqarfiup iluani Kiffartuussivimmit tiguneqarput, ukuullutik:
”2022-mut missingersuutinik isumaqatiginninniarnermut Kommuneqarfik Sermersuumi pitsaanerusumik akuulersitsinissaq pillugu politikkiliornissamut aningaasanik immikkoortitsisoqarnissaa siunnersuutigaara. 2022-mi upernaap ingerlanerani kommunip allaffeqarfianiit apeqqutit immersugassat atorlugit misissuisoqarpoq apeqqutillu Nuummi innuttaasunut nutaanut agguaanneqarput. Tamanna aviisimi Sermitsiami allaaserineqarpoq. Taamanili kommunitsinni akuulersitsinissaq pillugu politikki pillugu tusagaqarfigeqqinngilara. Taamaattumik aperivunga: Akuulersitsinissaq pillugu politikki sumununa pisoq?
Ullutsinni Kommuneqarfik Sermersuumi, pingaartumik Nuummi, nunani allaneersut sulisut amerliartuinnarput. Siunissamilu ikinnerulernavianngillat. Taamaattumik kommunip pitsaasumik akuulersitsinissaq pillugu politikkeqarnissaa pingaaruteqarpoq. Taamaattumik kommunimit pitsaasumik akuulersitsinissaq pillugu politikkiliornissaq pisariaqarpoq.”
The administration's answer ·
The administration's answer
Borgmesterip kissaataa malillugu akuulersitsinissaq pillugu politikki ataatsimut politikkimi nutaami qulequttap ”Assigiinngisitaarnermik Inissaqartitsineq”-up ataani naligiisitaanermik ilalimmi ilaatinneqassaaq. Politikkimi tassani assigiinngisitaartuunermut tamakkiisumik isiginnilluni suliniuteqarnissaq, matumani Kommuneqarfik Sermersuumi innuttaasunut tamanut akuulersitsinissaq naligiimmillu periarfissaqartitsinissaq sulissutiginninneq siunertarineqarpoq.
”Assigiinngisitaarnermik Inissaqartitsineq” pillugu suliaqarnermi politikkimut isummanik pissarsinissaq pillugu aamma massakkut suliniutaasut pillugit tamakkiisumik paasinninnissamut ingerlatsiviit avataaniillu suliaqartut assigiinngitsut ataatsimeeqatigineqarput. 18. novembarimi Kommunalbestyrelsip immikkut sammisaqarnerani politikkimi sammisat pillugit oqallinnissamut piffissaliisoqarpoq taamaasilluta siunissami suliniummik assigiimmik paasinninneq siunnerfeqarnerlu qulakkeerniassagatsigu.
Inussiarnersumik inuulluaqqusillunga
Ole Jakobsen
Kommunaldirektøri