Ulloq 23. septemberi 2024-mi Tasiilaq aamma Paamiut pillugit ukiuni qulini tulliuttuni anguniagaqarluni inissianik amerliliinissaq aamma ukiumoortumik inissiat 10 – 15-it tikillugit sananeqartarnissaannut pilersaarusiortoqarnissaanut killiffik pillugu allaffeqarfimmut apeqquteqarputit.

Apeqqutitit Suliffeqarfiup iluani Kiffartuussivimmit tiguneqarput, ukuullutik: 

” Suleqatigiinnissamut isumaqatigiissummi IA-p Demokraatillu isumaqatigiissutaanni 2023-meersumi ima oqaasertaliunneqartoq pillugu killiffissiorusunneqarpoq – Tasiilami Paamiunilu ukiuni qulini tulliuttuni anguniagaqarluni inissianik amerliliinissaq aamma ukiumoortumik inissiat 10 – 15-it tikillugit sananeqartarnissaannut pilersaarusiortoqassaaq. Pilersaarut maannamut sumut killippa? ”

Suliffeqarfiup iluani Kiffartuussivik ima akissuteqarpoq:

Tasiilami Paamiunilu inissialiortiternermut atatillugu arlalinnik sammiveqartumik periusissamik sulisoqarpoq. Pingaartumik nukissat piusut atorneqarnerisigut/atoqqinnerisigut piujuartitsineq qitiutinneqarpoq. Tasiilami inissiat arfineq-pingasut sanaartorneqarnissaannut Iserimit marloriarlugu neqerooruteqartitsisoqarnikuuvoq, taamaattorli ajoraluartumik kvadratmeterimut akigititaq annertuallaarujussuarmat piviusorsiortumik naammassisinnaanatik. Taamaattumik immikkoortukkaanik sanaartuinissamut pilersitsinissaq anguniarlugu suliniutigineqassaaq, taamaalillugu kvadratmeterimut akigititat naatsorsuutigisamik akikinnerulersissinnaassallugit. Aammattaaq containerit najugaqarfissatut pisiarineqarput, naatsorsuutigisatullu

inuusuttunut inissiatut atorneqarsinnaassallutik. Paamiuni Namminersorlutik Oqartussat inissiaataasa ilaat (Blok T) tiguneqarnissaanut iluarsartuunneqarnissaanullu anguniarlugu sulissutigineqarpoq, taamaalillugulu attartorneqarsinnaasut 23-t pilersillugit.

Inussiarnersumik inuulluaqqusillunga

Ole Jakobsen

Kommunaldirektøri