Sanarfinermut Avatangiisinullu Ingerlatsivik, tingusaqarpoq nunaminertamut qinnuteqaat. Qinnutigineqarpoq Inuk Hostel-ip eqqaani, nivingalluni sisoortarfissaq qinnuteqaammi ”zipline”-mit taaneqarsimasoq.
Sisoortarfiliornissamut pilersaarut, qaqqamiit sissamut 287 m missaanik takissuseqassaaq.
Sisoortarfiup qaavani, maninnersaliaq 4 x 4 m angissusilik sananeqassaaq nunamiit 40 cm misssaanik portussusilik, napparutitalik saviminermik 3 m missaani portussuseqartussaq.
Apissiffissami maninnersaliaq sananeqassaaq 4 x 4 m nunamiit 3,5 m portussusilik, sisoorfiup naanerani napparuteqasaaq savimineq 6 m missaanik portussusilik.
Sanaartungassatut pilersaarut aasaanerani (maj-oktober) atorneqarsinnaanissaa pilersaarutaavoq, ukiuunerani peerneqartassalluni, nunamik atuineq allanngortitsiffiussanngilaq.
Pilersaarutip pivisunngortitsiniarnerani kissaataavoq, illoqarfimmi misingisassanik annertusaanissaq aammalu avataaniit tikeraartunut misigisassarsiorfissamik pilersitsinissaq.
Pilersaarut pineqartoq piffimmiippoq uani, kommunemi pilersaarummut tapiliussaq 3D13 – Qernertunnguit Kangerluani takornarianut illuaqqiorfissatut, siunertanullu sukisaarsarnermut tunngassutilinnut atungassiaq. Immikkoortumi pineqartumi sanaartukkanut ataannartussanut atungassiaanngilaq.
Innuttaasut soqutiginnissinnaasullu qinnuteqaat pillugu oqaaseqaammik tunniussinissamut matumuuna tusarniummi periarfissinneqarput.
Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 18. november 2025.
Tusarniummut akissuteqaat ima nalunaaqutserneqassaaq BOG-2022-00748-010.
Oqaaseqaatit kingusinnerpaamik 18. novembari 2025 uunga nassiunneqassapput: sai@sermersooq.gl
