Sanarfinermut Avatangiisinullu Ingerlatsivik zipline-mik (svævebane) pilersitsinissamut nunaminertamut qinnuteqaat tigusimavaa. Qinnuteqaat svævebanemik 490 meter missaanik takissuseqartumik imaqassaaq, 400-vejen-ip sinnera malillugu, aallartiffilik Aaqa-mi, annguffigalugulu Nukissiorfiit-p parkeringspladsia naanerani.
Sisoortarfiup qaavani, maninnersaliaq 4 x 4 m angissusilik sananeqassaaq nunamiit 40 cm misssaanik portussusilik, napparutitalik saviminermik 3 m missaani portussuseqartussaq. Apissiffissami maninnersaliaq sananeqassaaq 4 x 4 m nunamiit 3,5 m portussusilik, sisoorfiup naanerani napparuteqasaaq savimineq 6 m missaanik portussusilik.
Sanaartukkap aasaanerani (maj-oktober) inissinneqarnissaa kissaatigineqarpoq. Pilersaarutip pivisunngortitsiniarnerani kissaataavoq, illoqarfimmi misingisassanik annertusaanissaq aammalu avataaniit tikeraartunut misigisassarsiorfissamik pilersitsinissaq.
Pilersaarut pineqartoq piffimmiippoq uani, kommunemi pilersaarummut tapiliussaq 1D1 – Imeqarfiup eqqaani qaqqajunnat, sanaartorfigeqqusaanngitsut sunngiffimmilu sammisassaqartitsiviit. Immikkoortup pinngortitatut atornissaa ilanngullugu killilimmik sanaartukkanik atortulersuutinillu sanaartorfigineqarsinnaavoq.
Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 8. februaari 2026.
Tusarniummut akissuteqaat ima nalunaaqutserneqassaaq BOG-2022-00748-010.
